Itali/ Grabitje me vlerë 400 mijë euro, arrestohen 3 'akrobatët' shqiptarë (Emrat)

Itali/ Grabitje me vlerë 400 mijë euro, arrestohen 3 'akrobatët' shqiptarë (Emrat)

Foto ilustruese

ITALI - Katër hajdutë "akrobatë", 3 prej të cilëve shqiptarë, janë arrestuar në Trento për 30 vjedhje, të cilat janë vlerësuar nga policia italiane me vlerën e 400 mijë eurove. Ndërkohë, 4 banditë të tjerë të lidhur me to, janë ende në kërkim.

Mediat e vendit fqinj shkruajnë se katër hajdutët e arrestuar kishin si bazë logjistike një apartament të marrë me qira në brendësi të Milanos nga një 22-vjecare rumune, Cristina Daganel dhe i dashuri i saj Bardhok Rica, 20 vjeç. Ky i fundit është arrestuar në nëntor të vitit të kaluar, teksa grabiti 40 mijë euro mallra në një vilë luksoze në Bolzano.

Në pak më shumë se 4 muaj, hetuesit e policisë së Bolzanos dhe Milanos kanë arrestuar edhe 2 hajdutët e tjerë shqiptarë; Klaudio Çoba,25 vjeç, dhe Asllan Leksa, 27 vjeç, të dy banues në Bolzano.

Destinacioni i mallrave të vjedhura ende nuk dihet, por gjatë hetimeve është zbuluar se midis 30 vjedhjeve, grupi i hajdutëve shqiptarë ka realizuar 4 të tilla në Bolzano. 

Grabitësit akrobatë kishin shënjestër vetëm vilat dhe apartamentet luksoze. Ata i planifikonin vjedhjet e tyre me detaje dhe me patrullime të shumta paraprake me anë të një “Fiat Grande Punto”, manovër kjo e cila i mundësonte të kuptonin nëse shtëpisë kishin njerëz ose jo. Grabitjet realizoheshin gjithmonë në orët e vona të pasdites, duke shfrytëzuar kështu edhe errësirën.

Sikurse përshkruhet nga mediat italiane, shqiptarët ishin të aftë për t'u ngjitur nëpër tubat e gazit, madje, edhe nëpër disa kate. Më pas, ata hapnin dritaret ose dyert dhe hynin nëpër shtëpi, duke grabitur sende luksoze, çanta dhe bizhuteri.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shqiptari dhunon gruan dhe djalin e mitur në Itali

Shqiptari dhunon gruan dhe djalin e mitur në Itali