Itali, shqiptari me të dashurën ukrainase kapen me 320 kg kanabis ! Në shtëpinë e tyre gjendet dhe kokainë dhe dy pistoleta

Një 35 vjeçar shqiptar Petro Spiro dhe Ganna Chaplygina një 23 vjeçare ukrainase janë arrestuar, pasi atyre u është gjendur 320 kilogram lëndë narkotike, hashash dhe marihuanë. 
Gjatë një kontrolli, karabinierët vunë re një furgon të dyshimtë,i cili qëndroi i parkuar që në mëngjes në zonën përpara një qendre tregtare, për një kohë shumë të gjatë që i bëri hetuesit të dyshojnë. 
Pas kërkimit, ata identifikuan dy personat të cilat nuk mundën të justifikonin praninë e tyre në Salento.  Brenda automjetit, atyre iu gjet 265 kilogramë marijuanë dhe mbi 63 hashash, e ndarë në pako të ndryshme.
Në shtëpinë e burrit, e vendosur Campo di Marte, karabinierët e Firences gjetën dhe sekuestruan edhe 8 kilogram e gjysmë hashash, 30 gram marihuanë, 4,5 gram kokainë dhe substanca të ndryshme. Gjithashtu konfiskuan dy pistoleta të paligjshme, një Revole Kolt dhe një pistoletë snifter të modifikuar 8 kalibër. Droga ishte futur në dollap dhe ishte fshehur brenda disa çantave ndërsa armët ishin në sirtarët e kuzhinës.
Në fund të verifikimit dhe formaliteteve, çifti u shoqërua në burgun Borgo San Nicola, në hyrje të Leçes, në dispozicion të prokurorit në detyrë. Të dy u arrestuan nën dyshimin e trafikut të drogës.

TAG:
• droge
• itali
• lende narkotike