Italianët ‘marrin frymë’ sërish jashtë maskës anti-COVID, nga 28 qershori lehtësohen masat në ambientet e jashtme

ITALI - Pas kaq shumë kohësh italianët do të mund të "marrin frymë" sërish jashtë maskës së tyre anti-COVID.

Me 28 qershor, qeveria italiane vendosi që të lehtësojë masat anti-COVID, duke hequr detyrimin e mbajtjes së maskën në ambientet e jashtme.

Lajmin e ka bërë me dije, ministri italian i  Shëndetësisë Roberto Speranza, duke specifikuar se ky përjashtim nga detyrimi do të bëhet në “zonat e bardha”, ku rreziku i COVID-19 dhe numri i rasteve të reja të infektimit është minimal.

Aktualisht e gjithë Italia, përveç se një rajoni të vogël në veriperëndim të vendit është shpallur “zonë e bardhë”.

Megjithëse masat anti-COVID janë lehtësuar, maska do të vazhdojë të jetë një detyrim për qytetarët në ambientet e brendshme ku grumbullohen njerëz dhe hapësirat e transportit publik.

Pavarësisht se në valën e parë dhe të dytë të pandemisë, Italia ishte një ndër vendet më të prekura sa i përket pandemisë, aktualisht ka arritur të ulë ndjeshëm numrin e infektimeve dhe viktimave nga COVID-19 si pasojë e një procesi të qëndrueshëm vaksinimi.

 

J.GJ./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Tempulli' deri tani u sekuestruan mbi 1600 kg drogë, Balla: Do vijojmë

'Tempulli' deri tani u sekuestruan mbi 1600 kg drogë, Balla: Do vijojmë