1843 pasagjerë kanë ardhur tre ditët e fundit nga Italia nga Porti i Durrësit

1843 pasagjerë kanë ardhur tre ditët e fundit nga Italia nga Porti i Durrësit

TIRANË- 7 tragete, përkthyer në 1843 pasagjerë kanë ardhur në vendin tonë nga Italia tre ditët e fundit nëpërmjet Portit të Durrësit. Vetëm ditën e sotme kanë hyrë dy tragete nga Bari në Durrës me 452 pasagjerë.

Kjo shifër është bërë zyrtare nga Porti i Durrësit, ku theksohet se të gjithë pasagjerët u janë nënshtruar kontrolleve pa bërë asnjë rezistencë, fatmirësisht rezultatet kanë qenë negative.

"Kujdes i shtuar shëndetësor në Terminalin e Trageteve në portin më të madh të vendit. Dy tragete me 452 udhëtarë gjithsej janë akostuar sot paradite në portin e Durrësit.

Një grup i përforcuar mjekësh, si dhe personeli mbështetës janë kujdesur për t'u njohur me gjendjen shëndetësore dhe itinerarin e lëvizjes së tyre, para mbërritjes në portin e Durrësit. Udhëtarët kanë bashkëpunuar për zbatimin e protokollit, sipas udhëzimeve të Ministrisë së Shëndetësisë.

Që nga fillimi i këtij muaji, Instituti i Shëndetit Publik dhe APD kanë bashkërenduar masat për të përballuar rrezikun e koronavirusit në pikëkalimin kufitar të portit më të madh të vendit.

Në Terminalin e Trageteve është dyfishuar numri i personelit shëndetësor, si pjesë e grupit kombëtar të Task Forcës, me anëtarë nga sektori i Mbrojtjes së Shëndetit në APD, si dhe nga ISHP dhe Drejtoria vendore e Shëndetit Publik.

Statistikat për 3 ditët e fundit:
Datë, 23.02.2020:
3 tragete( 2 Bari- Durrës + 1 Ankona- Durrës);
945 pasagjerë kanë hyrë në vendin tonë.
Datë, 24.02.2020:
2 tragete(Bari- Durrës)
446 pasagjerë, në hyrje.

Dt. 25.02.2020
2 tragete(Bari- Durrës)
452 pasagjerë, në hyrje",
njoftojnë autoritetet e Portit të Durrësit

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet