Jo më parkime falas në Durrës, Këshilli Bashkiak miraton pagesën me votat e socialistëve (Rrugët + Tarifat)

Për herë të parë parkimet publike në rrugët e Durrësit do të bëhen me pagesë. Projektivendimi u votua këtë të martë në këshillin bashkiak me 24 vota pro të PS dhe 12 kundër të PD-së. Pritet firma e Prefektit të Durrësit që të nisë zbatimi i parkimeve me pagesë. Propozimi i bërë nga bashkia e Durrësit për ndarjen e qytetit në dy zona të administrimit të parkimeve A dhe B u aprovua.

Tarifat për parkimin në rrugët e zonën A do të jetë 100 lekë/ora dhe për zonën B do të jetë 40 lekë/ora. Në zonën A përfshihen rrugët në qendër të qytetit, si Taulantia, Currilat, Dyrrah, Egnatia, etc.

Ndërsa në zonën B përfshihen rrugët nga pallati i sportit, stadiumi e deri tek Ura e Dajlanit.

Gjatë sezonit veror, nga 1 qershori deri më 30 shtator, të dyja zonat do të jenë me pagesë në fashën orare 8 e mëngjesit deri ne 8 të darkës, nga e hëna të diel. Ndërsa nga 1 tetori deri më 31 maj, fasha zbret në orën 4 pasdite dhe fundjava do jete pa pagesë.

Të përjashtuar janë rezidentët, pra banorët e këtyre zonave të cilët duhet të paguajnë tarife fikse 10 mijë lek të reja në vit.

Së shpejti Durrësi pritet të ketë dhe parkimin publik, me kate që po ndërtohet në zonën e stacionit të trenit, i cili do të jetë me 400 vende.

Rrugët e zonës A
Rruga “Taulantia”
Rruga e “Currilave”
Bulevardi “Epidamn”
Bulevardi “Dyrrah”
Rruga “Egnatia”
Rruga “Mars 91”
Rruga “Aleksandër Goga” (segmenti 1)
Rruga e “Dëshmorëve”
Rruga “Adria”
Rruga “Pavarsia”
Rruga “Hafiz Ali Pogdorica”
Rrugët e Zonës B
Rruga “Aleksandër Goga” (segmenti 2)
Rruga “Mujo Ulqinaku”
Rruga “Stefan Kaculini”
Rruga “Glaukia”
Rruga “Hysen Kërtusha”
Sheshet ku parkimi do të bëhet me pagesë
Sheshi prane Bar Portofino.
Sheshet në rrugën “Mars 91” Durrës (dy sheshe).
Sheshi ndodhur poshtë Urës së Dajlanit.
Sheshi “Jorgji Ziu” tek Mauzoleumi i Dëshmorëve.
Sheshi në territorin e brendshëm të Pallatit të Sportit “Ramazan Njala”.
Sheshi pranë tregut industrial, në rrugën “Hysen Myshketa”
Sheshi Vollga pranë Autoritetit Portual Durrës.

 

(Kliko këtu për të lexuar dokumentin e plotë) . Relacion, Per miratimin e Zonave te Parkimit me pagese 

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

Këshilli Bashkiak miraton projektin e ri “Ecole 24”: Kurse falas në teknologji për të rinjtë

Këshilli Bashkiak miraton projektin e ri “Ecole 24”: Kurse falas në teknologji për të rinjtë