Joshua hakmerret ndaj Ruiz, britaniku rikthehet si kampion në peshat e rënda në boks

Joshua hakmerret ndaj Ruiz, britaniku rikthehet si kampion në peshat e rënda në boks

Anthony Joshua, boksieri britanik, është rikthyer në majën e botës gjashtë muaj pas asaj humbjeje shokuese në qershor kundër Andy Ruiz. Joshua në ndeshjen e revanshit, të zhvilluar në Arabinë Saudite, e ka mposhtur meksikanin falë një strategjie të përsosur. Në fund gjyqtarët i dhanë fitoren më vendim unanim falë pikëve që ishin 118-110, 119-109 dhe 119-109.

Në këtë përballje të shumëpritur anglezi përfitoi nga gjatësia e tij duke mbajtur në distancë Ruiz. Joshua në mundësinë e parë godiste me të majtën, ndërsa nuk lejonte që meksikani të afrohej shumë. Në disa raste britaniku kapi maksimumin, por ato grushte që dukeshin të frikshme Ruiz i përballoi me sukses.

Falë kësaj fitoreje Joshua arriti të rimerte të katër titujt për peshat e rënda në boks. Bëhet fjalë për titujt WBA, IBF, WBO dhe IBO. Kujtojmë se në qershor e gjithë bota e boksit mbeti e shtangur kur Ruiz mposhti me nokaut boksierin Joshua, i cili deri në atë kohë numëronte zero humbje në karrierë.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Tempulli' deri tani u sekuestruan mbi 1600 kg drogë, Balla: Do vijojmë

'Tempulli' deri tani u sekuestruan mbi 1600 kg drogë, Balla: Do vijojmë