POP 5

Lajmet më të lexuara të 5 minutave të fundit

Sport

Juventusi e Bayerni hipotekojnë 1/8 e Champions, fitojnë Barcelona e Chelsea ndërsa United përmbys Atalantën

Juventusi dhe Bajern Mynih janë perfekt në Champions dhe i afrohen kualifikimit në fazën tjetër. Fituan edhe Barcelona dhe Çelsi ndërsa Mançester Junajtid përmbysi Atalantën.

Juventusi hipotekon kalimin për në fazën e 1/8 të Champions League. Bardhezinjtë fituan 1-0 në Rusi ndaj Zenit dhe sigurojnë fitoren e tretë në po kaq ndeshje në grupin H. Goli i fitores u shënua nga Kulusevski ndërsa të dielën luhet derbi i Italisë ndaj Interit.

Vendin e dytë në grup e mban Chelsea me 6 pikë. Kampionët në fuqi të Champions fituan 4-0 ndaj Malmoe ne Londër megjithëse sulmuesit Lukaku dhe Verner lanë fushën të dëmtuar. Dy hera nga penalltia nuk gaboi Jorginho ndërsa shënuan edhe Christensen e Havertz.

Me pikë të plota në tre ndeshjet e para është edhe Bayern Mynih. Bavarezët po ashtu janë pranë kualifikimit pasi fituan 4-0 në Lisbonë ndaj Benficas. Dy gola shënoi Sane dhe gjermanët kryesojnë me 9 pikë grupin E.

Një gol i mbrojtësit Pique i dha fitoren e parë në grup Barcelonës. Katalanasit mundën Dinamon e Kievit në “Camp Nou” dhe janë në lojë për kualifikimin.

Spektakolare ishte ndeshja kryesore e mbrëmjes ku në “Old Traford” Manchester United përmbysi Atalantën dhe fitoi 3-2. Bergamaskët e mbyllën pjesën e parë në avantazh të dyfishtë me golat e Pasalic e Demiral por në fraksionin e dytë anglezët “shpërthyen” me tre gola. Rashford, Meguire fillimisht barazuan rezultatin dhe Ronaldo shënoi golin e fitores.United e kryeson grupin me 6 pikë e Atalanta mbetet e dyta me 4 pikë.

Spanjollët e Villarreal fituan në Zvicër ndaj Young Boys 4-1 dhe u ngjitën në kuotën e katër pikëve.

Ndërsa grupin G e kryeson Salzburg. Austriakët mbrëmë mposhtën 3-1 Volfsburg dhe ngjiten në kuotën e 7 pikëve pas tre ndeshjeve të para.

Sfida tjetër e grupi Lille-Sevilla u mbyll pa gola me spanjollët që mbajnë vendin e dytë në grup me tre pikë./Përgatiti Andi Kapxhiu

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Skemat lehtësuese të OSHE për klientët debitorë: Brenda prillit u mbyllën 677 aktmarrëveshje! Ja përfitimi sipas kategorive

Skemat lehtësuese të OSHE për klientët debitorë: Brenda prillit u mbyllën 677 aktmarrëveshje! Ja përfitimi sipas kategorive

20 Prill, 16:59