POP 5

Lajmet më të lexuara të 5 minutave të fundit

Sport

Juvja do përmbysje ndaj Atleticos në Champions, City pret Schalken

Juventus-Atletico Madrid ndez fazën e 1/8 të Champions League. Bardhezinjtë do kërkojnë të përmbysin humbjen 2-0 të ndeshjes së parë. Italianët besojnë tek një mrekulli ndërsa spanjollët janë gati për luftë. Ndërsa Mançester Siti pritet të mos ketë probleme ndaj Shalkes.

Juvja do përmbysje ndaj Atleticos në Champions, City pret Schalken

Juventus gjatë seancës stërvitore

Juventusi është thirrur në apel sonte në “Allianz Stadium” për të bërë një përmbysje të madhe ndaj Atletico Madrid. Skuadra e Simeones e fitoi 2-0 ndeshjen e parë të fazës së 1/8 të Champions League  dhe është në pozita të forta për të kaluar në çerekfinale. Megjithatë bardhezinjtë nuk janë dorëzuar dhe do tentojnë “Remuntadan”. Me 22 gola në 32 ndeshje ndaj spanjollëve Juvja shpreson tek Cristiano Ronaldo. Alex Sandro është i pezulluar ndërsa Dybala mund ta nisë nga stoli. Allegri sqaron :” Do na duhet një mrekulli por skuadra është mirë dhe jemi gati.Do jetë një ndeshje shumë e bukur dhe nëse e përmbysim do jetë diçka e pabesueshme”.

Atletico Madrid është gati për betejë edhe në Torino. Skuadra ka mungesat e Diego Costës dhe Tomas për shkak kartonësh dhe Filipe Luis e Lucas për shkak dëmtimi por kjo për trajnerin Diego Simeone nuk është problem. Ai shton :” Jemi të karikuar dhe gati për të luajtur pjesën e dytë të sfidës kundër një skuadre të madhe si Juventusi. Edhe pse e kemi fituar 2-0 ndeshjen e parë nuk ndihemi favoritë. Godin do jetë ndërsa tek Morata kam shumë besim” e mbyll Simeone.

Në ndeshjen tjetër të mbrëmjes që starton po në orën 21:00 në “Etihad Stadium “  Manchester City pret gjermanët e Schalke 04. Anglezët e kanë fituar 3-2 ndeshjen e parë dhe janë favoritët për të kaluar më tej por trajneri Pep Guardiola kërkon përqëndrim duke sqaruar se në këtë lloj kompeticioni në 90 minuta mund të ndodhin shumë të papritura. /Përgatiti: Andi Kapxhiu/

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

25 Prill, 01:01