Kandidatja e Berishës për Tiranën: Do i vë tritolin shtëpisë së Ramës! Njerëzit thonë çfarë është kjo, por e kam seriozisht

TIRANË- Adriana Kalaja, kandidate në primaret e Partisë Demokratike të Sali Berishës i ka qëndruar planit të saj për t’i vendosur tritol ndërtimeve në Tiranë, sipas së cilës janë pa leje. Në një intervistë për mediat, Kalaja vijoi duke thënë se këtë plan të saj do e nisë me shtëpinë e kryeministri Edi Rama, me argumentin se ajo është pronë e grabitur.

Duke iu përgjigjur skeptikëve për deklaratat e saj, Kalaja theksoi se e ka shumë seriozisht. 

"Kjo është një deklaratë që mund të duket pak e fortë. Përmban simbolikën që do të pastrosh mafian e betonit me tritol. Por, bazohet edhe në dispozita ligjore. Do të filllojmë me sarajet e kryeministrit në Surrel. Prona mbi të cilën është ndërtuar shtepia e Ramës është pronë e grabitur. Është bërë një manovër. Është gjetur një banor i zonës, që ka pretenduar se i ka humbur çertifikata.  Kur përmend fjalën tritol njerëzit thonë cfarë është kjo, do të bëhet luftë? Unë kam prova që kjo pronë është grabitur. Ka filluar edhe një proces gjyqësor nga prefektura, për të thënë që këtë pronë nuk duhet ta merrte filani por duhet ti kthehej shtetit. Kur u mor vesh që është Lindita Rama pas kësaj prone… Në moment që prona është marrë mbi një dokument të falsifikuar edhe leja e ndërtimit mbi këtë pronë shpallet nul. Në moment që leja shpallet nul, kjo ndërtesë është pa leje. Çfarë parashikon ligji? Shembjen”, tha ndër të tjera Kalaja te "Të paekspozuarit". 

LEXO EDHE:
Berisha jashtë grupit të PD, Kuvendi: Bardhi ktheu vetëm të përjashtuarit gjatë kësaj legjislature, ish-kryeministri s’ka qenë pjesë

Kalaja është një nga 8 emrat që janë në garë për primaret në PD-në e Berishës. PD do ta zgjedhë më 4 dhjetor kandidatin zyrtar përballë Erion Veliajt për kryebashkiak. 

B.K./Shqiptarja.com

TAG:
• primaret e berishes
• adriana kalaja
• PD