Kaosi në Kakavijë/ Lleshaj: Po i kërkojmë Greqisë që të përshpejtojë procedurat e testimit

Kaosi në Kakavijë/ Lleshaj: Po i kërkojmë Greqisë që të përshpejtojë procedurat e testimit

Ministri i Brendshëm, Sandër Lleshaj

TIRANË- Ministri i Brendshëm, Sandër Lleshaj ka bërë me dije se po bëhen përpjekje me palën greke që të përshpejtohen procedurat për testimin dhe reduktimin e kohës së pritjeve në kufi.

Në reagimin tij, Lleshaj u bën apel qytetarëve që të informohet për gjendjen e pikave të kalimit kufitar në Greqi përpara se të nisen, për të shmangur radhët e gjata e për të mos e agravuar më tepër situatën.

"Procedurat e reja të testimit për Covid-19 në kufirin shqiptaro-grek kanë krijuar radhë të gjata bashkë me problemet e pashmangshme shoqëruese. Policia e Shtetit është angazhuar maksimalisht për të menaxhuar situatën e vështirë të krijuar.

Në bashkëpunim me Ministrinë për Europën dhe Punët e Jashtme po bëhen përpjekje për të kërkuar para autoriteteve greke gjetjen e mundësive për përshpejtimin e procedurave të testimit dhe reduktimin e kohës së pritjes në kufi. Ministria e Brendshme u bën thirrje qytetareve që të informohen për gjendjen në Pikat e Kalimit Kufitar me Greqinë përpara se të ndërmarrin udhëtim drejt tyre, me qëllim që të shmangen sa të jetë e mundur pritjet e gjata në kushtet e temperaturave të larta", tha Lleshaj.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Ndërron jetë në moshën 82 vjeçare ish-senatori Joe Lieberman

Ndërron jetë në moshën 82 vjeçare ish-senatori Joe Lieberman