Kapen hakerat, vodhën miliona
euro nga bankat e BE dhe SHBA
Pranga rrjetit të hakerave. Nëpërmjet mashtrimeve në kompjuter vidhnin para nga llogari bankare të klientëve të vendeve të BE dhe SHBA duke i transferuar drejt llogarive të tyre. Bankat e huaja njoftuan se paratë vinin në Shqipëri. Dy shtetas nga Elbasani janë arrestuar, ndërsa dy minoren nga Laçi, emrat e të cilëve ende nuk bëhen publik, janë proceduar në gjendje të lirë. (Në foto, dy hakerat e arrestuar, Ilir Lajthia dhe Kejdi Stambollxhiu nga Elbasani)
TIRANE - Një rrjet hakerash është vënë në pranga gjatë ditës së sotme pasi nëpërmjet mashtrimeve në kompjuter kanë mundur të vjedhin shuma parash nga llogari bankare të klientëve të vendeve të Bashkimit Evropian dhe të Shteteve të Bashkuara të Amerikës duke i transferuar në mënyrë të paligjshme drejt llogarive të tyre.
Ilir Lajthia 28 vjeç dhe Kejdi Stambollxhiu 19 vjeç të dy lindur dhe banues në Elbasan, u arrestuan nga policia e shtetit, e cila finalizoi me sukses aksionin anti-hakerave. Ndërsa janë proceduar në gjendje të lirë dy shtetas të moshës 15-vjeçare, nga Laçi.
Të arrestuarit akuzohen për ndërhyrje në të dhënat dhe sistemet kompjuterike dhe në bashkëpunim kanë thyer masat mbrojtëse të llogarive bankare online të klientëve të bankave jashtë vendit, për kryerjen e transfertave të paligjshme. Njoftimi mbi këto vjedhje është bërë nga policitë e shteteve të huaja, të cilat kanë evidentuar përmes transfertave, se paratë e vjedhura vinin në Shqipëri. Pas këtij sinjalizimi policia shqiptare, mundi të vë në pranga hakerat.
Sipas policisë, këta shtetas janë anëtarë të dy grupeve kriminale kompjuterike shqiptare të quajtur: “Albanian Syber Army”, “Albanian Hakers Group”, veprimtaria e të cilëve është dokumentuar.
Lajthia dhe Stambollxhiu akuzohen gjithashtu për veprime të tjera të paligjshme në internet. Nëpërmjet viruseve kompjuterike, hakerat ndërhynin jo vetëm në llogari bankare, por edhe në faqe të tjera online, si rrjetet sociale Facebook etj. Sipas deklaratës së policisë së Shtetit, dhënë pasditen e sotme gjatë një konference për shtyp, shuma e parave që ata kanë përfituar arrin deri në miliona euro. Ndërkaq, policia njoftoi gjithashtu se po vazhdojnë hetimet për identifikimin e të gjithë personave të këtij rrjeti hakerash.
POLICIA: PATI DHE NJOFTIME NGA BANKAT E HUAJA“Sektori i krimeve Kompjuterike pranë policisë së shtetit dispononte informacione për veprimtarinë e njërit prej anëtarëve të grupit për të cilin ka filluar investigimi, i cili kishte aktivitet në fushën e ndërhyrje të paligjshme në të dhënat e sistemeve kompjuterike. Gjatë këtij procesi investigimi, pati dhe njoftime nga bankat e huaja për transferta bankare të kryera prej tij nga llogaria e klientëve të bankave në llogarinë e tij. Në kuadër të këtij procesi hetimesh u bë e mundur identifikimi i autorëve të tjerë të përfshirë në këtë aktivitet kriminal. Të dëmtuarit ishin shtetas të huaj që kishin llogaritë e tyre në banka të shteteve të BE dhe SHBA”, lexohet në njoftimin për shtyp të Policisë së Shtetit.
(Gre.M/Shqiptarja.com)
Sondazhi i ditës:
Mendoni se komisionet hetimore për Shëndetësinë e TIMS do kenë rezultat?
-
PO
16.7%
-
JO
76.5%
-
Nuk e di
6.8%
Vota total: 4687
Lajme të tjera
-
'Kam lindur në Athinë, por jam patriot i atdheut tim': Mario Mitaj: Populli rus i thjeshtë dhe miqësor
28 Mars, 10:59
-
Përplasi për vdekje me ‘Range Rover’ 52-vjeçarin, arrestohet i riu në Fier
28 Mars, 10:49
-
Dhunë ndaj fëmijës dhe nënës, vihen në pranga dy persona në Tiranë
28 Mars, 10:48
-
'Kemi forcën për të dyja frontet', Qatip Osmani: Reflektuam pas humbjes në Kukës, jemi gati për Erzenin
28 Mars, 10:42
-
VIDEO/ Copëz pranvere çelur mes malesh në Bogë
28 Mars, 10:40
-
Fier, 36-vjeçari fut në makinë të renë me probleme të shëndetit mendor dhe e ngacmon seksualisht
28 Mars, 10:30
-
Qerrata Gjekmarkaj
28 Mars, 10:29
-
Dhunuan me shkopa bejsbolli e leva 30 vjeçarin, gjykata e Korçës liron nga paraburgimi 4 të arrestuarit
28 Mars, 10:28
-
Këshilli i Europës miratoi rekomandimin për anëtarësimin e Kosovës, Serbia: Skandaloze dhe e turpshme
28 Mars, 10:24
-
Nedim Bajrami objektivi i klubit surprizë të Serie A, drejtori e ndjek në stadium
28 Mars, 10:17
-
Lufta në Rripin e Gazës/ OBSH: Në Gaza po afrohet uria, duhet armëpushim! SHBA shkatërron 4 dronë të Houthis në Detin e Kuq
28 Mars, 10:08
-
‘1 milion euro për dashni’, komedi tek ‘Eksperimentali’! ‘Marie Kraja’, 2 net spektakli në Opera! Nga Roland Tasho tek Stefano Romano, Tirana me ekspozita!
28 Mars, 09:52