Kapet mbi 21 kg kanabis në formë çokollate me logo deveje, arrestohet 37-vjeçari në Tiranë i dënuar më parë për armëmbajtje pa leje! Një tjetër në kërkim

Kapet mbi 21 kg kanabis në formë çokollate me logo deveje,  arrestohet 37-vjeçari në Tiranë i dënuar më parë për armëmbajtje pa leje! Një tjetër në kërkim

Lënda narkotike e sekuestruar

TIRANË- 21 kg e 35 gram lëndë narkotike kanabis e përpunuar në formë çokollate është sekuestruar nga policia e Tiranës. Në kuadër të operacionit 'Camel' është vënë në pranga Florian Meti (Martaneshi), 37 vjeç, i dënuar më parë për veprën penale “Armëmbajtja pa leje” si dhe është shpallur në kërkim bashkëpunëtori i tij shtetasi V. M., 34 vjeç.

Gjatë kontrollit të banesave dhe ambienteve të ndryshme, në një banesë ku ndodhej dhe 37-vjeçari (i arrestuar në flagrancë), u sekuestruan 84 pako të cilat kishin të stampuar një 'deve' dhe ishin me peshë 21 kg e 35 gram lëndë të dyshuar narkotike kanabis në formë çokollate.

Report Tv mëson se 37-vjeçari Florian Mati alias Martaneshi, e kishte kthyer në "biznes" fitimprurës shitjen e drogës. Burime nga Policia e Tiranës tregojnë se arrestimi i tij është bërë në rrugën "Pandeli Cale" në kryeqytet, një rrugicë në fund të zonës së Selitës, afër Pallatit me Shigjeta. 37-vjeçari, aktivitetin e shitjes së lëndëa narkotike kryesisht e bënte në rrugën "Irfan Tomini", e cila është disa dhjetëra metra larg vendit ku është prangosur nga policia. Ai kishte të paktën një bashkëpunëtor, i cili është shpallur në kërkim. Prej disa kohësh ishte vënë në vëzhgim nga ekspertët e policisë.

'Vijojnë goditjet e njëpasnjëshme ndaj veprimtarisë kriminale në fushën e narkotikëve. Finalizohet operacioni policor i koduar “Camel”, i zhvilluar nga Sektori për Hetimin e Narkotikëve në DVP Tiranë. Sekuestrohen 21 kg e 35 gram lëndë narkotike kanabis e përpunuar në formë çokollate, vihet në pranga 37-vjeçari (poseduesi i saj) dhe shpallet në kërkim bashkëpuntori i tij. 37-vjeçari i dënuar më parë për armëmbajtje pa leje.

Në vijim të punës për parandalimin dhe goditjen e veprimtarisë kriminale në fushën e narkotikëve, Seksioni për Hetimin e Narkotikëve, mbi bazën e informacioneve të marra në rrugë operative për shpërndarjen e lëndëve narkotike kanabis e përpunuar në formë çokollate, finalizoi me sukses operacionin e koduar “Camel”, në kuadër të të cilit u bë arrestimi në flagrancë i shtetasit:

Florian Meti (Martaneshi), 37 vjeç, i dënuar më parë për veprën penale “Armëmbajtja pa leje”.  Si dhe u shpall në kërkim  bashkëpuntori i tij shtetasi V. M., 34 vjeç.

Gjatë kontrollit të banesave dhe ambienteve të ndryshme, në një banesë ku ndodhej dhe 37-vjeçari (i arrestuar në flagrancë), shërbimet e Policisë gjetën dhe sekuestruan 84 pako, me peshë 21 kg e 35 gram lëndë të dyshuar narkotike kanabis në formë çokollate. Materialet i kaluan Prokurorisë së Rrethit Gjyqësor Tiranë, për veprime të mëtejshme.'- njofton policia.

 

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

VIDEO/ Kanali i mbushur me kastravecë, fermerët në Berat hedhin prodhimin

VIDEO/ Kanali i mbushur me kastravecë, fermerët në Berat hedhin prodhimin