Kapet pas 35 vjetësh rrëmbyes i fluturimit 847 i Trans World, mbajti për 17 ditë peng pasagjerët dhe vrau ushtarin amerikan

Arrestohet pas 35 vjetësh, një anëtar famëkeq i komandos terroriste që kreu një nga rrëmbimet më famëkeqe në histori, atë të fluturimit 847 të Twa, një odise që 17-ditë, gjatë të cilave udhëtarët u abuzuan dhe rrahën kurse një oficer i Marinës së Shteteve të Bashkuara, u qëllua për vdekje dhe trupi i tij u hodh në pistën e aeroportit në Beirut.

Policia Greke ka pretenduar se e kishte arrestuar komandon në ishullin Mykonos, duke shtuar se ai është një Liban 65-vjeçar.

Komandoja tani është në burg në ishullin e Siros dhe së shpejti do të transferohet në një burg të sigurisë maksimale në Athinë, në pritje të ekstradimit në Gjermani, e cila kishte kërkuar arrestimin e tij.

Sidoqoftë, policia nuk e ka zbuluar identitetin e tij, ndërsa sipas burimeve të ndryshme të shtypit grek, emri I komandos është Mohamed Ali Hamadi, për të cilin, FBI ofronte 5 milion dollarë për çdo informacion

Ali Hammadi është një nga drejtuesit e komandos që kreu atë rrëmbim, i cili filloi në mëngjesin e 14 qershorit të vitit 1985.

Avioni, i cili u ngrit nga Kajro me rreth 150 vetë në bord, kishte destinacion San Diego,  duke kaluar nëpër Athinë, Romë, Boston dhe Los Angeles.

Menjëherë pasi u nisën nga aeroporti i kryeqytetit grek, terroristët , të lidhur me lëvizjen shiite libaneze Hezbollah,  hynë në veprim, duke marrë kontrollin e fluturimit dhe urdhëruan komandantin të shkonte në Bejrut, kryeqytetin e Libanit.

I.C./Shqiptarja.com
Komento