KATAR 2022/ 'Botërori No Stop', gjithë golat e ndeshjeve të 2 dhjetorit (VIDEO)

Çdo mbrëmje në orën 11:00, në emisionin ‘Botërori, No Stop’ në Report Tv do të keni mundësi që të ndiqni momente më pikante të çdo sfide të kampionatit botëror ‘Katar 2022’. Janë zhvilluar plot 4 ndeshje dhe rezultatet janë si më poshtë.

Zvicra e futbollistëve shqiptarë, Granit Xhaka dhe Xherdan Shaqiri, ka eliminuar nga Botërori Serbinë. Ndeshja në Katar përfundoi 3-2 në favor të ‘helvetëve’, ndërsa serinë e golave e hapi mëngjarashi Xherdan Shaqiri. Edhe pse Serbia përmbysi 2-1, golat e Embolo-s dhe Freuler i dhanë fitoren Zvicrës.

Gjatë ndeshjes nuk munguan as përplasjet, me Granit Xhakën, i cili u vendos në shënjestrën e futbollistëve serbë.

Gjithsesi ajo që vlen është se Zvicra kaloi më tej në 1/8 ku do të përballet me Portugalinë, ndërsa Serbia e mbylli grupin e fundit me vetëm 1 pikë.

Para sfidës forcat e sigurisë në Katar tentuan të mos lejonin flamunj shqiptarë dhe të Kosovës në stadium, por gjatë ndeshjes u pa që ishte e pamundur.

Sakaq sfida tjetër e grupit G u fitua nga Kameruni 1-0 ndaj Brazilit, por seleçao u kualifikua si e para dhe në fazën tjetër do përballet me Korenë e Jugut.

M.Q./r.k./Shqiptarja.com

TAG:
• katar 2022