KATAR 2022/ Eurogoli i Casemiro kualifikon Brazilin, Zvicra ‘jeta a vdekje’ kundër Serbisë (VIDEO)

Brazili është bërë skuadra e dytë në Botërorin e Katarit që siguron kualifikimin në turin e 1/8. Kjo sepse ‘seleçao’ mposhti 1-0 Zvicrën në ndeshjen e dytë të grupit G. Për të parë golin e vetëm të sfidës u desh të pritej shumë, pasi Casemiro realizoi në mënyrë spektakolare vetëm në minutën e 83.

Më herët Vinicu kishte gjetur rrjetën, por që u anulua për pozicion jashtë loje. Me këtë fitore përveç kualifikimit Brazili theu edhe disa rekorde. ‘Seleçao’ u bë kombëtarja e parë në historinë e Botërorëve që ka 17 ndeshje në grupe pa humbje, ndërsa kjo ishte fitorja e parë kundër Zvicrës. Më herët dy përballje ishin mbyllur në barazim. Pas humbjes së sotme, Zvicra mbetet në kuotën e 3 pikëve, 2 më shumë se Serbia me të cilën ka ndeshjen e fundit dhe ku pritet një sfidë jetë a vdekje.

Më herët, po këtë të hënë, kombëtarja ballkanase barazoi 3-3 kundër Kamerunit edhe pse deri në minutën e 62 udhëhiqte 3-1.

Formacionet zyrtare

Rendit zhvillimet sipas orarit:
Ora 19:19
KATAR 2022/ Në ditën e Pavarësisë, flamuri shqiptar shfaqet në ndeshjen Brazil-Zvicër

1669659791_375384ca21184572a6cbb31e3881c0b0640x630.jpg

Flamuri kuq e zi është shfaqur mes tifozëve gjatë ndeshjes Brazil-Zvicër në Katar. Kjo përkon pikërisht me ditën e Flamurit ndërsa Shqipëria feston 110-vite nga krijimi i shtetit.

Ora 18:42
KATAR 2022/ Këtë herë s’bën punë as VAR, goli spektakolar i Casemiro-s ndëshkon Zvicrën (VIDEO)

 

83’ Pas disa kombinimeve Casemiro realizon një gol mjaft të bukur, duke kaluar Brazilin në avantazh. Këtë herë asnjë pikëpyetje për pozicionin jashtë loje.

Ora 18:24
KATAR 2022/ Brazili ndëshkon Zvicrën me Vinicius Junior, por ‘VAR’ i prish festën ‘seleçaos’ (VIDEO)

 

64’ Brazili merr avantazhin në përballjen me Zvicrën. Vinicius realizon me kundërsulm, por anulohet për pozicion jashtë loje.

Ora 17:52
KATAR 2022/ 220 milardë euro investime, por në Botëror ka probleme me energjinë! Brazil-Zvicër në errësirë (VIDEO)

 

44’ Katari mund të ketë shpenzuar mbi 220 miliardë euro për Botërorin, por ajo që ndodhi në ndeshjen Brazil-Zvicër nuk e përligj investimin. Për pak sekonda ndriçimi në stadiumin e Dohas ulet, duke krijuar përshtypjen e ikjes së dritave. Gjithsesi epidosi nuk zgjat më shumë se 5 sekonda. Sakaq pjesa e parë e ndeshjes u mbyll me rezultatin 0-0.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Në 2 muaj, bizneset dhe qytetarët morën 516 mln euro kredi, u dha 166 mln € më shumë se vjet

Në 2 muaj, bizneset dhe qytetarët morën 516 mln euro kredi, u dha 166 mln € më shumë se vjet