KATAR 2022/ Ndeshje 'shterpë' në grupin H, Uruguaji dhe Koreja e Jugut shumë raste për asgjë (VIDEO)

FT/ Uruguaj 0-0 Koreja e Jugut

Uruguaji dhe Koreja e Jugut barazuan 0-0 në ndeshjen e parë të grupit H në Kupën e Botës "Katar 2022". Amerikano-jugorët dhe aziatikët prodhuan shumë raste dhe luftë sportive, teksa edhe 12 minutat shtesë nuk i ndihmuan që të tundin rrjetën.

Ndeshja nisi e balancuar në mesin e fushës, me të dyja skuadrat që treguan agresivitet dhe ndërhyrje të forta. Në minutën e 57 të ndeshjes, mbrojtësi i Uruguajit, Caceres bëri një ndërhyrje të ashpër në dëm të Son (Tottenham), me ndeshjen që për afro pesë minuta u ndal për ndihmë mjekësore. Në fund Son u rikthye në fushë dhe Caceres u ndëshkua me karton të verdhë. Në fundin e ndeshjes rastin më të mirë e pati Valverde, që tundi shtyllën e koreano-jugorëve.

Në fund 0-0, me dy kombëtaret që ndajnë pikët. Për momentin Uruguaji dhe Koreja e Jugut kanë nga një pikë në grupin H, teksa në 17:00 luajnë Portugalia me Ganën po për këtë grup.

Renditja:

 

Shtylla e Valverde:

Rendit zhvillimet sipas orarit:
Ora 22:50
FOTO/ Ka fituar 2 Kupa Bote dhe mban katër yje në fanellë, Uruguaji shkakton polemika në Katar! Historia e panjohur nga FIFA

Uruguaji barazoi 0-0 me Korenë e Jugut në grupin H të Botërorit. Në ndeshjen debutuese, skuadra nga Amerika Jugore kishte katër yje në fanellën e saj. Ky gjest ka shkaktuar polemika në Katar, me Uruguajin që ka fituar dy kampionate Botërore por mban katër yjë. Kujtojmë se Uruguaji ka fituar në 1930 kampionatin e parë Botëror të organizuar në vendin e vet, teksa në 1950 ka fituar Botërorin e organizuar në Brazil. Dy yjet shtesë te Uruguaji i mbajnë për fitoret në vitin 1924 dhe 1928, që FIFA i njeh si Olimpiada vere dhe jo si Botërore.

Olimpiadat e Verës:

1924/ Uruguaj 3-0 Zvicër (Paris)

1928/ Uruguaj 3-2 Argjentinë (Amsterdam)

Ora 21:05
VIDEO/ 5 lojtarë me emrin Kim te Koreja e Jugut, gazetari italian bëhet 'lëmsh'! Komenti bën xhiron e rrjeteve sociale

Uruguaji barazoi 0-0 me Korenë e Jugut në Botërorin e Katarit. Për grupin H, ndeshja u mbyll pa gola. Te Koreja e Jugut pesë nga lojtarët titullarë e kanë emrin Kim, me komentatorin e Rai në Itali që po bën xhiron e mediave. Në një mënyrë fantastike, komentatori përsërit pesë herë emrin Kim.

 

Ora 15:21
VIDEO/ Ndërhyrje 'brutale' ndaj Son të Tottenhamit, tifozët e Koresë së Jugut me dorë në zemër! Caceres ndëshkohet me karton

Uruguaj 0-0 Koreja e Jugut. Në minutën e 57 mbrojtësi i Uruguajit, Caceres ndërhyn ashpër nga pas te sulmuesi i Koresë së Jugut, Heung Min Son (Tottenham). Lojtari për disa minuta ka marrë ndihmën mjekësore, teksa është rikthyer në fushë. Caceres ndëshkohet me karton të verdhë për ndërhyrjen nga pas.

 

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A është bërë sa duhet për rininë në vendin tonë?



×

Lajmi i fundit

Kreu i OKB-së, Guterres: Toka po helmohet, duhet të reagojmë pa u 'fundosur'

Kreu i OKB-së, Guterres: Toka po helmohet, duhet të reagojmë pa u 'fundosur'