“Kcimi i Tropojës” drejt UNESCO-s, studiuesit: Është mijëravjeçar! (VIDEO)

Nga gjiri i popullit kanë dalë shumë doke e zakone, të cilat rrëfejnë në vetvete zhvillimin e jetës së shqiptarëve në të kaluarën. E sot, kur vëmendja ndaj këtyre përvojave është gjithnjë dhe më e paktë, për këto vlera të kulturës sonë popullore, që dikur shpalosnin vlera patriotike dhe krenarinë e fisnikërinë e trojeve tonë, të Alpeve, duhet vënë dorë sa nuk është vonë.

 “Kcimi i Tropojës”, ndryshe “Vallja e Tropojës” është një nga katër dukurit e përzgjedhura nga Këshilli Kombëtar i Trashëgimisë Jomatëriale, për të vijuar rrugën udhëtimin, si “Kryevepër e trashëgimisë shpirtërore të njerëzimit, në UNESCO”. Për “ReportTV” koreografi Skënder Haklaj dhe studiuesja Rovenca Vata rrëfejnë vlerat e këtij kcimi.

“Nuk ka familje, që nuk ka dëshirë që fëmijët e tyre të kërcejnë. Është trashëgimi brezash. Ne trajtojmë amanetet e virtuozëve, që na i kanë lënë trashëgimi. Por në Tropojë nuk është vetëm një kërcim, çdo virtuoz ka shprehjen e vet, të lidhur me jetën. Kërcimi i Tropojës ka lind edhe është zhvilluar në shumëllojshmërinë e vet, epik edhe legjendar”, thotë Haklaj.

Studiuesja Vata shprehet se dëshira e kahershme e qenies njerëzore për t’u shkëputur nga toka apo për të fluturuar, është e kahershme. Prandaj në vetvete ky kërcim shpreh dashurinë, dhimbjen edhe sensualitetin

“Unë jam rritur me kcimin e Tropojës, di se çdo të thotë rënia e tupanit. Është një pasuri shpirtërore, që duhet të ruhet në UNESCO, dhe duhet të jemi të gjithë artdashësit edhe Shqipëria e Veriut në një mendje për këtë”, tregon Vata.  

Ata na rrëfejnë “Kcimi i Tropojës” karakterizohen nga interpretimi i lirë dhe me tupan dhe veshjet që ruhet ende ndër breza, si ritual i banorëve në zonat e Shqipërisë së Veriut

“Nëse veshjes i mungon një element, duket që nuk funksionon diçka. Këmisha, rruazat, shamia, brezi ka ardhur në një zhvillim, edhe pse pjesa burimore është ruajtur. Ndërsa,  për veshjen vitet e fundit po shkohet tek burimorja, shprehet Vata.

Sa i përket lashtësisë së valles, koreografi e cilëson mijëravjeçare.

 “Është mijëravjeçare. Jemi shumë optimistë. Kjo dosje jam e i bindur, që do të pranohet në UNESCO se i përket kombit, por edhe bota ka nis që ta përkrahë. Është formacioni i lirshëm, që bën këdo ta kërcejë”.

Dosja e “Kcimit të Tropojës” për në UNESCO është në fazën e plotësimit të formularit, i cili do të dorëzohet në muajin mars 2021 për në UNESCO.

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Çuçi: Komision parlamentar kundër dezinformimit dhe ndërhyrjeve të huaja

Çuçi: Komision parlamentar kundër dezinformimit dhe ndërhyrjeve të huaja