"Kemi ende udhë për të bërë deri sa të thërrasin fitore", Tritan Kalo thirrje qytetarëve: Mos refuzoni vaksinat dhe respektoni masat anti-COVID

Mjeku Tritan Kalo

Mjeku i njohur, Tritan Kalo e ka nisur ditën e sotme me një thirrje ndaj qytetarëve, duke i kërkuar të vaksinohen dhe të respektojnë masat anti-COVID.

"Miq, të afërm, kolegë e bashkëkombës mos e nënvlerësoni efektshmërinë e trinomit të masave: MHD (maskë, higjienë personale e kolektive, distancim fizik kur dhe ku është e mundshme), si dhe mundësinë e të vaksinuarit me rastin më të parë që ju ofrohet. T’i mundësojmë vetes një jetë me sa më pak rrezikshmëri nga virusi jetëlëndues e jetëmarës i Sars-Cov2/Covid-19", thotë Kalo.

Në Facebook, ai shkruan se numri i të shtruarve në spital ka rënë kohët e fundit dhe fatmirësisht edhe humbjet e jetëve, por shton se nuk është ende momenti për të thirrur fitore.

"Numri i të shtruarve vërtet ka rënë kohët e fundit, fatmirësisht edhe humbjet e jetëve të të prekurve nga kjo “flamë mbarëbotërore”, por kemi ende udhë për të bërë deri sa njëzëri të thërrasim fitore", shkruan mjeku.

Sipas Kalos, mosha e të infektuarve varion nga 31-72 vjeç, me ose pa sëmundje bashkëshoqëruese dhe se kemi ende udhë për të bërë deri në fitoren në luftën ndaj pandemisë.

Kujtojmë se ditën e djeshme, numri total i personave të vaksinuar në vend shkoi në 256810. Sipas bilancit ditor të bërë nga Ministria e Shëndetësisë, një ditë më parë u kryen 6134 vaksinime.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Mbështetësi i Belerit e pështyu, reagon Vangjel Tavo: Interesat e vogla kanë marrë peng komunutetin himariot

Mbështetësi i Belerit e pështyu, reagon Vangjel Tavo: Interesat e vogla kanë marrë peng komunutetin himariot