Kërcënimet e Rusisë për armët bërthamore, Zelensky: Të merren seriozisht! Negociata e paqes, të pamundura pas referendumeve

Presidenti ukrainas Volodymyr Zelensky , në një intervistë për CBS u shpreh se kërcënimet bërthamore nga presidenti rus Vladimir Putin duhet të merren seriozisht.

 "Ndoshta dje mund të flisnim për blof, por sot mund të jetë realitet. Unë nuk mendoj se ai po bën bllof. Ne duhet të vazhdojmë t'i bëjmë presion dhe të mos lejojmë shantazhin e tij bërthamor", tha Zelensky.

LEXO EDHE:
Debat në OKB: Gjenocidi në Srebrenicë të dënohet globalisht

Lideri ukrainas tha se përfundimi i referendumeve në territoret e pushtuara të Ukrainës dhe më pas shpallja e rezultateve të tyre do të bëjë të pamundur vazhdimin e negociatave të paqes me Rusinë.

“Qeveria ruse mund të shpallë zyrtarisht se referendumi në territoret e pushtuara të Ukrainës ka përfunduar dhe shpall rezultatet, por kjo do ta bëjë të pamundur vazhdimin e negociatave diplomatike me Presidentin e Federatës Ruse, dhe ai e di shumë mirë. Unë kam folur për këtë publikisht. Mendoj se ky është një sinjal shumë i rrezikshëm nga Presidenti Putin, i cili na thotë se Putini nuk do t'i japë fund kësaj lufte.", u shpreh Zelenky.

Lajmi kryesor:

Lufta/ Referendumet në zonat e pushtuara nga Rusia, Ukraina bën thirrje që të mblidhet urgjent Këshilli i OKB-së! Shpërthim në Melitopol

S.C/Shqiptarja.com

TAG:
• lufta ne ukraine
• rusia sulmon ukrainen
• OKB