Kërkoi 'lirinë' nga arratia, Gjykata rrëzon kërkesën e Agim Kajmakut për heqjen e masës së arrestit dhe nis gjykimin

Kërkoi 'lirinë' nga arratia, Gjykata rrëzon kërkesën e Agim Kajmakut për heqjen e masës së arrestit dhe nis gjykimin

Gjykata e Tiranës ka rrëzuar kërkesën e ish-kryebashkiakut të Vorës për heqjen e masës së  sigurisë 'Arrest me burg'. Kajmaku kërkesën për heqjen e kësaj mase e ka bërë nga arratia. Shkak i rrëzimit të kërkesës është bërë mungesa në seancë e Kajmakut dhe avokatit.

Ndërkohë burime gazetari i Report Tv, Arsen Rusta bën me dije se Gjykata ka regjistruar kërkesën e Prokurorisë për të marrë Kajmakun të pandehur dhe kështu ka nisur gjykimin e dosjes. Kujtojmë se disa ditë më parë seanca për Kajmakun u shty për shkak të mos paraqitjes së dokumenteve në formën e kërkuar sipas ligjit.

Për Kajmakun më 12 nëntor Gjykata e Tiranës vendosi arrest në burg në mungesë, kjo masë për ish kreun e bashkisë së Vorës erdhi një ditë pasi më parë prokuroria lëshoi urdhër arrestin për të. Ndërsa më 21 nëntor Gjykata e Apelit në Tiranë la në fuqi të njëjtën masë sigurie për Kajmakun, i cili u shkarkua nga KQZ më 1 nëntor pasi shkeli ligjin e dekriminalizimit duke fshehur një dënim në Greqi.

Agim Kajmaku akuzohet nga prokuroria për tri vepra penale “Shpërdorim detyre”, “Falsifikimi i formularëve” dhe “Ushtrimi i funksioneve pas dhënies fund të detyrës”. Dyshimet e prokurorisë janë se Kajmaku ka firmosur shkarkimin nga detyra të dy n/ kryetarëve, pasi KQZ i hoqi mandatin më 1 Nëntor. Ndërsa avokati i Kajmakut pretendon se këto dy lëvizje janë bërë më 31 Tetor.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Rusia sërish kërkon debat në Këshillin e Sigurimit mbi ndërhyrjen e NATO-s në Kosovë

Rusia sërish kërkon debat në Këshillin e Sigurimit mbi ndërhyrjen e NATO-s në Kosovë