'Kësaj le t'i druhen vetëm ata që nuk vlejnë', Ermal Mamaqi: Bëjeni karantinën 'shpëtimin' tuaj, mos prisni nga pensioni i mamit

Jo pak, por më shumë se 14 minuta 'këshilla' karantine i ka drejtuar Ermal Mamaqi të gjithë atyre që situatën e krijuar nga koronavirus e kanë marrë me shaka. Për aktorin e humorit, i cili më seriozisht se kurrë ka apeluar për reflektim, koronavirus po shkakton ndryshime të thella, duke nisur me papunësi të lartë.
Sipas tij, kjo situatë do të nxjerrë në pah ata që nuk vlejnë dhe do të lërë hapësirë për të ecur përpara vetëm për njerëzit e aftë, ndaj bën thirrje të shikoni raportin tuaj me shoqërinë, duke u munduar të jeni së pari të vlefshëm për veten, dhe pastaj për vendin dhe të krijoni të ardhmen tuaj. Video mesazhin e tij Mamaqi e mbyll me fjalët e Biblës: "Kush ka veshë për të dëgjuar do të dëgjojë, dhe kush ka sy për të shikuar do shohë...".

Lajmi kryesor:

Rroftë jeta! Në emër të saj, artistët nga e gjithë bota bëhen bashkë, sfidojnë me muzikë Covid-19

D.M./r.k./Shqiptarja.com

TAG:
• ermal mamaqi
• karantinë
• Koronavirus
• #unerrineshtepi
• #doiadalim
• motivim