Zëvendëskomandanti i misionit paqeruajtës i NATO-s në Kosovë, KFOR, Federico Bernacca, është takuar me një delegacion të Listës Serbe, me të cilët ka biseduar për zhvillimet e fundit të sigurisë në Kosovë.
Sipas një njoftimi për media, takimi u mbaj në selinë e KFOR-it në Prishtinë dhe në krye të delegacionit të Listës Serbe, ishte kryetari i kësaj partie, Zllatan Ellek.
“Ata [Lista Serbe] ndaj qëndrimet e tyre për zhvillimet e fundit të sigurisë, përfshirë në veri të Kosovës. Gjenerali Bernacca i dëgjoi shqetësimet e shprehura nga delegacioni. Ai theksoi se KFOR-i ka një prani të dukshme dhe fleksibile në mbarë Kosovën dhe është i përgatitur mirë ndaj çdo zhvillimi të rëndësishëm të sigurisë”, u tha në njoftimin e KFOR-it.
Zëvendëskomandanti i KFOR-it, sipas njoftimit, tha se ky mision është i përkushtuar që të kontribuojë në sigurinë dhe stabilitetin për të gjithë personat që jetojnë në Kosovë, sipas mandatit që derivon nga Kombet e Bashkuara.
“Në këtë drejtim, KFOR vazhdon të mbështesë dialogun mes Prishtinës dhe Beogradit që lehtësohet nga BE-ja”, u tha në njoftim.
Ky takim i delegacionit të Listës Serbe, partisë më të madhe të serbëve në Kosovë që gëzon mbështetjen e Beogradit, vjen një ditë pasi autoritetet në Kosovë mbyllën pesë institucione paralele në veri të Kosovës.
Nga Qeveria e Kosovës deklaruan se institucionet paralele serbe kanë funksionuar nën udhëheqjen e Serbisë, duke e "cenuar kushtetutshmërinë dhe ligjet e Republikës së Kosovës”.
Po më 30 gusht, kreu i Listës Serbe, Zllatan Ellek, në një konferencë për media tha se me këto veprime “u pa qartë se [kryeministri i Kosovës, Albin] Kurti i do serbët në Kosovë. Kjo është një përpjekje tjetër për spastrimin etnik të serbëve nga Kosova, e para së gjithash nga veriu".
"Me këtë veprim sot, Kurti tregoi se nuk i do institucionet e Republikës së Serbisë, nuk e do Asociacionin e komunave me shumicë serbe dhe as serbët në Kosovë, e sidomos në veri", tha ai.
Aksioni i kryer nga Policia e Kosovës është kritikuar nga Shtetet e Bashkuara, Bashkimi Evropian, Franca, Gjermania dhe Mbretëria e Bashkuar, që e kanë cilësuar si veprim të njëanshëm dhe të pakoordinuar.
Ambasada amerikane në Prishtinë tha se veprimet e vazhdueshme të pakoordinuara të Kosovës pasqyrojnë përkeqësimin e partneritetit mes Uashingtonit dhe Prishtinës.
KFOR-i, që është reaguesi i tretë i sigurisë në Kosovë, pas Policisë së Kosovës dhe Misionit të BE-së për Sundim të Ligjit (EULEX), më herët gjatë të shtunës rriti praninë mbi urën kryesore në Mitrovicë.
Nga KFOR-i thanë se kjo ishte një “operacion rutinor”, dhe më pas prania mbi urë u reduktua.REL
Lajme të tjera
-
Ministri i Mbrojtjes viziton Komandën e KFOR dhe kontingjentin e forcave shqiptare në Pejë
31 Gusht, 19:53 -
Po sikur SHBA të ‘lodhet’ me Kosovën si me Afganistanin?!
31 Gusht, 19:12
-
Marrëveshje me Vuçiçin për avionët, media franceze nuk kursen Macronin: Po armatos një autokrat dhe filorus
31 Gusht, 18:41 -
Vuçiç mohon se ka raporte të ngushta me Putinin: Ne nuk jemi ‘Kali i Trojës’ për Moskën
31 Gusht, 16:43 -
Vuçiç: BE-ja të ndërmarrë veprime konkrete në Kosovë, jo vetëm dënim
31 Gusht, 14:42 -
KFOR-i rrit praninë në urën mbi lumin Ibër
31 Gusht, 12:17 -
Mbyllja e 5 komunave paralele serbe në veri të Kosovës, ambasadori britanik: Veprimet e tilla rrezikojnë të nxisin tensione
31 Gusht, 10:02 -
Mbyllja e 5 komunave paralele serbe në veri, O’Brien: Kosova nuk u konsultua me SHBA, të shqetësuar nga veprimet provokuese të qeverisë Kurti
31 Gusht, 07:46 -
Mero Baze: 'Leksioni francez', për ata që duan të komandojnë Perëndimin nga Prishtina
30 Gusht, 19:59
-
Aksion në veri, autoritetet e Kosovës mbyllin pesë komuna paralele serbe! SHBA: Veprim i pakoordinuar me ne, rrezikon përshkallëzimin e konfliktit
30 Gusht, 18:23 -
Lajçak: Kosova dhe Serbia ende nuk janë gati për normalizim të marrëdhënieve mes tyre
30 Gusht, 16:39 -
Ndihmës Sekretari i NATO-s mesazh Kosovës: Veprimet e pakoordinuara në Veri rrisin rrezikun për dhunë! Rrezikojnë dhe trupat e KFOR
30 Gusht, 10:12
