KiE dërgoi paketën Anti-shpifje në Komisionin e Venecias, Basha: E trupshme që u rrëzua dekreti i Metës pa reflektuar

Kreu i Partisë Demokratike, Lulzi Basha ka përshëndetur vendimin e Këshillit Evropian për të dërguar  paketën anti-shpifje në Komisionin e Venecias, duke kërkuar opinionin e saj pas debateve të shumta mes palëve politike.

Sipas Bashës akti i ndërmarrë nga KiE provon se dy projekligjet e kësaj pakete cenojnë drejtpërdrejtë të drejtën e fjalës dhe drejtën e informimit duke dëmtuar rëndë lirinë e mediave në Shqipëri.

Ndërkohë Meta është ndalur edhe tek rrëzimi i dekretit të presidentit Meta ditën e djeshme në Komisionin e Veprimtarisë Prodhuese, duke e konsideruar këtë si një veprim të turpshëm. Ndërsa komisionin e konsideron si një kukull të kryeministrit Rama.

" Përshëndes vendimin e marrë nga Komiteti i Monitorimit të Asamblesë Parlamentare të Këshillit të Europës për ta çuar paketën e ashtuquajtur “anti-shpifje” në Komisionin e Venecias. Ky akt provon se dy projekligjet e kësaj pakete cenojnë drejtpërdrejtë të drejtën e fjalës dhe drejtën e informimit duke dëmtuar rëndë lirinë e mediave në Shqipëri. Nga ana tjetër është e turpshme dhe e ulët që Komisioni i Veprimtarisë Prodhuese i parlamentit kukull nën urdhrat e Ramës, ka rrëzuar dekretin e Presidentit pa reflektuar jo vetëm mbi verejtjet e tij, por edhe ato të komunitetit shqiptar të mediave dhe organizatave të ndryshme ndërkombëtare. Pushteti aktual qendroi i shurdhër edhe ndaj qëndrimeve të Komisionit Europian që tregonin se mosreflektimi për këtë paketë dëmton procesin e integrimit europian. Kjo indiferencë e kokëfortësi demonstron se Ramës nuk i intereson integrimi europian i vendit por vetëm mbijetesa e tij politike me çdo kusht, përfshirë këtu përpjekjen për t’ua mbyllur gojën mediave. MOS na PREK fjalën. " shkruan Basha në një reagim në rrjetet sociale.

Dy projekligjet e paketës antishpifje janë dërguar për shqyrtim nga në Komisionin e Venecias nga Asambleja Parlamentare e Këshillit të Europës, specifikisht nga Komiteti i monitorimit, i cili është përgjegjës për monitorimin dhe zbatimin e Kartës Evropiane, dhe demokracisë në shtetet anëtarë.

Paketa Antishpifje do të shqyrtohet nga Komisioni i Venecias në muajin Mars të cilët do të japin opinion e tyre mbi dy projektligjet, nëse vërtetë cënojnë fjalën e lirë ashtu si pretendojnë gazetarët dhe presidenti i Republikës.

TAG:
• Ilir Meta
• lulzim basha
• paketa antishpifje