Kim takohet me Veliun: Polici profesionale dhe e paanshme për zgjedhjet e 25 Prillit

Kim takohet me Veliun: Polici profesionale dhe e paanshme për zgjedhjet e 25 Prillit

Ambasadorja e SHBA-së Yuri Kim dhe numri një i Policisë së Shtetit, Ardi Veliu

TIRANË- Ambasadorja e SHBA-së Yuri Kim është takuar me kreun e Policisë së Shtetit, Ardi Veliu. Në fokus të diskutimeve kanë qenë zgjedhjet e 25 Prillit dhe përgatitjet që ka bërë policia.

“U takova me Drejtorin e Përgjithshëm të Policisë së Shtetit, Ardi Veliu, për të diskutuar mbi përgatitjet për zgjedhjet e 25 Prillit. Veliu konfirmoi se detyra e oficerëve të policisë do të jetë profesionale dhe e paanshme në zbatimin e ligjit dhe ruajtjen e rendit publik përpara, gjatë dhe pas zgjedhjeve”, shkruan Kim.

Nga ana tjetër, Veliu theksoi se vendosmërinë e Policisë së Shtetit për të luftuar krimet zgjedhore pa u ndikuar nga asnjë kah politik. Ai garantoi ambasadoren Yuri Kim se Policia e Shtetit është e fokusuar dhe e vendosur vetëm në drejtim të zbatimit të ligjit dhe vetëm të ligjit.

Po gjatë takimit, Drejtor Veliu ka njohur nga afër ambasadoren Kim edhe me punën e Policisë së Shtetit në drejtim të parandalimit dhe goditjes së kultivimit të kanabisit dhe trafikimit të drogave të forta. Në zgjedhjet parlamentare që do të mbahen pas 6 ditësh do të angazhohen rreth 8000 efektivë policie.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Si Lulzim Basha u dënua nga gjykata për shpifje për rastin e Olsi Ramës

Si Lulzim Basha u dënua nga gjykata për shpifje për rastin e Olsi Ramës