Denoncimi i Report Tv/ 'Peng’ e burokracive, shkolla e rindërtuar në Sanxhak të Kurbinit hap dyert për nxënësit

Denoncimi i Report Tv/ 'Peng’ e burokracive, shkolla e rindërtuar në Sanxhak të Kurbinit hap dyert për nxënësit

Shkolla

Bashkia e Kurbinit ka hapur shkollën e rindërtuar "Gjok Elezi" në Sanxhak, ku nga sot fëmijët nuk do t'u duhet më të udhëtojnë çdo ditë nga 5 km për të bërë shkollën e Laç, por do të gëzojnë shkollën e tyre të rindërtuar pas tërmetit të 26 nëntorit 2019.

Lajmin e ka dhënë kryebashkiakja e Kurbinit, Majlinda Cara, ndërsa kjo problematikë ishte ngritur më herët edhe nga Report Tv.

Kryebashkiakja Cara shkruan se nga sot nxënësit do të mund të mësojnë në shkollën e tyre me të gjitha standardet.

"Sa shumë kënaqësi të isha sot pjesë e gëzimit të nxënësve, mësuesve dhe gjithë komunitetit të Sanxhakut, me rastin e fillimit të proçesit mësimor në shkollën dhe kopshtin e ri “Gjokë Elezi”. Objekti i rindërtuar do të ofrojë mundësitë më të mira për edukimin e brezave, me klasa e mjete mësimore, laboratorë, palestër të brendshme, ambiente argëtimi etj., e që nuk u mbetet gjë tjetër përveçse ta mirëmbajnë dhe t’ua shpërblejnë prindërve e mësuesve me sa më shumë 10-a. Ta gëzoni dhe shumë suksese", shkruan Cara.

Rindërtimi i shkollës 9-vjeçare "Gjok Elezi" kishte përfunduar prej më shumë se 1 muaj, por nuk kishte hapur dyer për shkak se mungon energjia elektrike. Në këto kushte, 400  nxënës ishin të detyruar ta zhvillonin mësimin pasdite në qytetin e Laçit, i cili ndodhet 5 kilometra larg fshatit të tyre, ku mësimi ishte kthyer në sfidë për të vegjlit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Panik' te Juventus, Man. United në sulm për Bremer

'Panik' te Juventus, Man. United në sulm për Bremer