Kishte shkelur rregullat Schengen/ 36-vjeçari tenton të korruptojë me 50 euro punonjësin në Rinas, arrestohet

Kishte shkelur rregullat Schengen/ 36-vjeçari tenton të korruptojë me 50 euro punonjësin në Rinas, arrestohet

Aeroporti i Rinasit dhe kartmonedha 50 eruo

Një 36-vjeçar është vënë në pranga mëngjesin e sotëm nga Policia Kufitare e Rinasit pasi ka tentuar të korruptojë një punonjës, për shkak se kishte kaluar afatet e qëndrimit në zonën Schengen. Ai i ofroi policit një kartëmonedhë 50 euro, për të udhëtuar sërish drejt vendeve të BE-së.

"Shtetasi F. A., 36 vjeç, rreth orës 09:30 është paraqitur në aeroport, për të udhëtuar drejt një vendi të BE-së. Pas mbërritjes në kabinën e kontrollit kufitar, ky shtetas ka paraqitur pasaportën e tij si dokument udhëtimi dhe boarding pass.  

Nga ana e efektivëve të Policisë Kufitare i është kërkuar një dokumentacion shtesë që të justifikonte qëllimin e udhëtimit të tij, pasi u konstatua se kishte konsumuar afatin e qëndrimit në zonën Schengen. Ky shtetas nuk ka pasur ndonjë dokument qëndrimi në vendet e zonës Schengen dhe për këtë arsye është njoftuar nga ana e punonjësve të Policisë Kufitare se do i refuzohej dalja nga Shqipëria.   

Pasi ka marrë këtë njoftim, shtetasi F. A. ka nxjerrë një kartëmonedhë  50 euro, me të cilën ka tentuar të korruptojë punonjësit e Policisë Kufitare.  

Menjëherë, shërbimet e Policisë Kufitare kanë bërë arrestimin në flagrancë të shtetasit F. A., për veprën  penale "Korrupsioni aktiv i personave qe ushtrojnë funksione publike". Materialet në ngarkim të tij do t’i kalojnë Prokurorisë, për veprime të mëtejshme", thuhet në njoftimin e Policisë Kufitare, e cila  apelon për të gjithë ata qytetarë që duan të qarkullojnë drejt vendeve të BE-së, që të plotësojnë të gjitha kriteret për të qarkulluar dhe të mos tentojnë të korruptojnë punonjësit e Policisë, pasi do përballen me ligjin.

Kartmonedha 50 euro që i ofroi policit

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Çeki: Zbulohet një rrjet propagande i financuar nga Rusia

Çeki: Zbulohet një rrjet propagande i financuar nga Rusia