Klosi: Thirrja e fundit për të mos derdhur ujërat e zeza në bregdet

Një ditë para afatit vendosjen e depuratorëve të ujit, ministri i Turizmit dhe Mjedisit, Blendi Klosi bëri thirrjen e fundit për të gjitha bizneset që i derdhin ujërat e patrajtuar në bregdet apo në shtretërit e lumenjve.

Ministri Klosi theksoi se asnjë nga subjektet që shkelin ligjin nuk do të tolerohet. Nga një hulumtim i inspektoriatit të mjedisit rezulton se vetëm një numër i vogël subjektesh trajtojnë ujërat ndërsa një numër i konsiderueshëm kanë një trajtim të ujërave të zeza nëpërmjet gropave sepktike të cilat për standartet që kërkon zhvillimi i një turizmi elitar në vendin tonë është i patolerueshëm

Gjithashtu nga raporti i Inspektoriatit të mjedisit rezulton se një pjesë e 800 subjekteve nuk kanë leje mjedisore pra ushtrojnë aktivitet në kundërshtim me ligjin. Ministri Klosi deklaroi se në bashkëpunim me ministrinë e infrastrukturës, janë përgatitur standarte të reja për lejet mjedisore të cilat do të sjellin ndryshimin e situatës përsa i përket shkarkimit të ujërave të zeza në det,lumë apo liqen.

Nga ana e tij ministri Gjiknuri vuri theksin në investimet e qeverisë shqiptare në këto vitet e fundit për ndërtimin e impianteve të trajtimit të ujërave, kryesisht në vijën bregdetare. 

Në aktivitet merrnin pjesë përfaqësues të pushtetit lokal, drejtues të lartë të institucioneve ligjzbatuese, drejtues të lartë të institucioneve për përcaktimin e standarteve dhe ekspertë të huaj të cilët sollën modelet më të fundit të depurimit të  ujërave.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Masakra në Moskë me 143 të vdekur, Ankaraja: Sulmi i ISIS i pamundur pa ndihmën e shërbimeve të huaja

Masakra në Moskë me 143 të vdekur, Ankaraja: Sulmi i ISIS i pamundur pa ndihmën e shërbimeve të huaja