Kolonjë/ Familja Çaushi rrezikon jetën në banesën e prishur nga tërmeti: Jetojmë me makth! Zv.prefekti: Shtëpi të re pas zgjedhjeve vendore

Në këtë ngrehinë që rrezikon të shembet jetojnë 4 anëtarët e familjes Çaushi në fshatin Qafëzezë të Kolonjës. Kushtet janë të mjerueshme e sikur të mos mjaftonte, Festimi me të shoqen duhet të kujdesen për vajzën me probleme të shëndetit mendor. Muret e çara dhe tavanin i kanë zënë me rroba për të mos hyrë shiu, ndërsa çdo natë i druhen lëkundjeve që mund të rezultojnë fatale për ta.

“Në 2019 fillimisht morëm një çadër. Kanë ndejtur atëherë gruaja me vajzat në çadër, ndërsa unë qëndroja këtu (në shtëpi). Kryetari i bashkisë, Erion Isai, i ka premtuar vajzës që e kam të sëmurë me prapamendje mendore të moderuar, se do ta rregulloj shtëpinë, që nga ajo ditë e deri më sot s’kam marrë asnjë ndihmë nga bashkia”, tha kryefamiljari Festim Çaushi.

Tërmeti i vitit 2019 shkaktoi dëme të mëdha që u thelluan nga ai i prillit 2022.

“Erdhën ekspertët e Institutit të Ndërtimit të cilët thanë se banesa është e pabanueshme. Unë jam i rrezikuar, ndaj kam thirrur median, se po të jetë për institucionet nuk ka ardhur fare, s’më kanë dhënë përgjigje as kurajo”, vijoi ai.

Fillimisht banesa u vlerësua me dëme të pjesshme dhe bashkia vendosi për rikonstruksion, por disa muaj më pas Instituti i Ndërtimit e shpalli banesën e pabanueshme. I kontaktuar me telefon, N/Prefekti i Kolonjës, Sergei Peshtani pranon se Procesi i Rindërtimit është i vonuar, por justifikohet me faktin se Bashkia ka ofruar bonus qiraje për familjen Çaushi. Ai thekson se puna për ndërtimin e shtëpisë së re do të nisë pas zgjedhjeve lokale të 14 Majit, pasi tashmë investimet kanë “ngrirë” për shkak të fushatës elektorale.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 24/03/2023 22:04

    Me pare duhet te japesh voten, qe te te ndertojne shtepine! S.d.q,keto jane pasojat kur shtepite i ndertoni vete,vetem me njohurite minimale te ndertimit dhe nuk ndertohen nga eksperte,apo te zotet e punes.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lindon Selahi 'sms' Sylvinhos: Trajneri s'më ka telefonuar, kam shpresa për Europianin

Lindon Selahi 'sms' Sylvinhos: Trajneri s'më ka telefonuar, kam shpresa për Europianin