Kombëtarja e volejbollit të femrave mposht Gjeorgjinë, shkon në finalet e Ligës së Europës

Kombëtarja e femrave në volejboll i ka bërë një mbyllje shumë të mirë grupit eliminator të Europa League, duke fituar 3-0 ndaj Gjeorgjisë në takimin e gjashtë dhe arritur suksesin e pestë në këtë event. Shqipëria është kualifikuar për në fazën finale të Ligës së Europës, e cila do të luhet në Suedi në datat 16-17 qershor.

Ndeshja e sotme ndaj Gjeorgjisë ishte një formalitet për vajzat kuqezi, që fituan me lehtësi 3-0, një takim që zgjati rreth 60 minuta. Të tre setet u dominuan nga ekipi shqiptar, që shkëputej nga pika në pikë, duke i fituar ato me diferenca pikësh: 25-14, 25-13 dhe 26-24. Mikeshat nga Gjeorgjia për asnjë moment nuk rivalizuan, duke luajtur dobët dhe ndaj Shqipërisë e patën të pamundur të fitojnë.

Në bazë të renditjes përfundimtare të Grupin B, ku bën pjesë edhe Shqipëria (më vonë luajnë dy ekipet e tjera, Izraeli e Austria), do të mësohet renditja përfundimtare e Shqipërisë dhe se ndaj kujt do të luajë në fazën finale.

LEXO EDHE:
Volejboll femra/ Dinamo rikthehet në Superligë pas 16 vitesh

Shqipëri – Gjeorgji, 3-0 (25-14, 25-13, 26-24)

SHQIPËRIA: Bici, E.Tuci, Xheka, Marina, Prenga, Thaka, Picaku, Sejfullai, Rexhepi, Kushi, Sijoni, M.Tuci, Shehi, Dodani. Trajner: Altin Martiri

GJEORGJIA: Koraevi, Batsatsashvili, Gaprindashvili, Kipshidze, Sanadze, G.Ulumbelashvili, Beriashvili, Diasamidze, Chelidze, Sosnovskaya, Kalandadze, Markarashvili, Tchautchidze, Lobzhanidze. Trajner: Paata Ulumbelashvili

Gjyqtarë:  Vasileios Vasileiadis (Greqi), Igli Feshti (Shqipëri)

TAG:
• kombetarja
• shqiperia
• volejboll
• Gjeorgjia

Sondazhi i ditës:

Partia e Mitsotakis kandidon Fredi Belerin për eurodeputet, si e vlerësoni?

• Pozitive

  12%

• Negative

  82.5%

• Nuk e di

  5.5%

Vota total: 1831

• Sondazhi i ditës:

  Partia e Mitsotakis kandidon Fredi Belerin për eurodeputet, si e vlerësoni?

  Pozitive Negative Nuk e di