Komedia ‘Një dasmë e hatashme’ pritet me interes në Berat! Aktorja Haxhialiu: Emocion i dyfishtë kur debuton në vendlindje

“Një dasmë e hatashme”, komedia e Kiço Londos mbërriti në Berat, duke rikthyer jetën kulturore, të munguar prej muajsh, në qytetin e Uneskos.

Në mëngjesin e dasmës së tij, dhëndri zgjohet në suitën e hotelit me një vajzë të panjohur, e cila rezulton të jetë e dashura e re e shokut të ngushtë. Akti i parë kalon duke u përpjekur të fshihet situata nga nusja. Shoku i ngushtë, nusja dhe nëna e nuses fillojnë të bashkojnë të gjitha pjesët për të zbuluar të vërtetën. Gjithçka funksionon në fund por jo pa dhimbje.

Loja e aktorëve të teatrit shëtitës “Çajupi” u prit me interes dhe mori duartrokitjet e publikut beratas në  Pallatin e Kulturës “Margarita Tutulani”.

“Për mua është hera e parë që vij në Berat, e falënderoj publikun për mikpritjen, ishte surprizë për mua”, u shpreh aktori Julian Deda.

Ndërsa moderatorja Fatma Haxhialiu, e cila shfaqet për herë të parë si aktore thotë se “emocioni është i dyfishtë kur debuton në vendlindje”.

Dikur me trupën e vet teatrale dhe aktorë profesioniste, Berati tashmë ka një jetë të vakët kulturore. Prej 1997 nuk ka ekziston Teatri, ndërsa Pallati i Kulturës organizon koncerte vetëm në prag festash. Ndaj teatrot lëvizëse të Tiranës priten gjithnjë me interes nga publiku.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Forcohet leku, monedhat e huaja sërish në rënie! Ja sa këmbehen sot

Forcohet leku, monedhat e huaja sërish në rënie! Ja sa këmbehen sot