Konferenca e 41-të Ndërkombëtare e Komisionerëve të Mbrojtjes së të Dhënave, Ruçi: I bindur që institucionet do ndërgjegjësohen

Ditën e sotme është mbledhur Konferenca e 41-të Ndërkombëtare të Komisionerëve të Mbrojtjes së të Dhënave dhe Privatësisë  që po zhvillohet në Pallatin e Konferencave.

Në këtë konferencë ka mbajtur një fjalim përshëndetës edhe kryetari i Kuvendit, Gramoz Ruçi i cili vuri theksin se Shqipëria duhet të ofrojë garanci të plotë në mbrojtjen e privatësisë.

"Shqipëria, garanci të plota  në mbrojtjen e privatësisë. Toleranca fetare nxit respektin  për liritë individuale ndërsa  “Demokratizimi” i dhunës përfiton nga demokratizimi i mediave. Po ashtu  “Demokratizimi” i dhunës përfiton nga demokratizimi i teknologjisë. Jam i bindur që kjo konferencë do të ndërgjegjësoj institucionet dhe njerëzit për mbrojtjen e të dhënave të private." ka thënë ndër të tjera Ruçi.

Prej 40 vjetësh, Konferenca Ndërkombëtare është platforma udhëheqëse botërore në politikëbërje dhe në hartimin e standardeve për mbrojtjen e të dhënave personale.
 

"Fakti që Konferenca juaj zhvillohet në Shqipëri është  konfirmim i garancive që ofron dhe zbaton vendi ynë në mbrojtjen e të dhënave personale dhe privatësisë së qytetarëve.  

Shqipëria ka një legjislacion bashkëkohor për mbrojtjen e të drejtve të njeriut, por ç’është më e rëndësishmja, ka vullnet politik dhe institucional për respektimin, zbatimin dhe garantimin e tyre.  

Toleranca jonë e njohur për bashkëjetesën midis komuniteteve fetare e ka zgjeruar rrezen drejt tolerancës dhe respektit për të gjitha aspektet e të drejtave tënjeriut, liritë dhe të drejtat ekonomike, politike,sociale dhe etnike të qytetarëve.

Sot po përballemi me sfida të rëndësishme të zhvillimeve globale. 

Demokratizimi i mediave dhe demokratizimi i teknologjisë, si të mira publike për qytetarët, mund të shndërrohen në të kundërtën e tyre dhe të sfidohen nga demokratizimi i dhunës.

Është kjo arsyeja që duhet të na nxisë të hartojmë, zbatojmë e monitorojmë politika dhe ligje që garantojnë  të drejtat e privatësisë dhe mbrojtjes së të dhënave, si një premisë për mbrojtjen e qytetarëve dhe të individualiteitt të tyre.

Kuvendi i Shqipërisë, në bashkëpunim me Komisionerin,  po punojnë për harmonizimin e legjislacionin për mbrojtjen e të dhënave personale me Rregulloren e Përgjithshme të Mbrojtjes së të Dhënave Personale në Bashkimin Evropian, e cila ka hyrë në fuqi së fundmi.”, theksoi në përshëndetjen e tij Kryetari i Kuvendit. Gramoz Ruçi.

TAG:
• kuvendi
• gramoz ruçi
• te dhenat personale