Konferencë për ndryshimet klimatike/ Raporti i BE: Cilësia e ajrit në Ballkan, jashtë normave! 2.6% e tokës të përdoret për bujqësi organike, synojmë 25%

TIRANË- Zyrtarë të ndryshëm, dhe përfaqësues të Bashkimit Evropian mbajtën sot në Tiranë, konferencën me temë "Statusi i mjedisit dhe klimës në Ballkanin Perëndimor", në të cilën prezantuan raportin për vitin 2021. Ministrja e Turizmit dhe Mjedisit, Mirela Kumbaro, u shpreh se ndryshmet klimatike mbetet çështja më serioze me të cilat përballet e gjithë bota.

"E ardhmja e iniciativave të mjedisit nuk varet vetëm në mënyrën se çfarë ndikimi do të ketë kjo çështje tek Shqipëria. Në këtë botë që është kaq e ndërlidhur, çfarë ndodh në Shqipëri apo vende të tjera si Shqipëria, do të ndikojnë patjetër, do të influencojnë edhe vende të tjera evropiane. Kjo gjë është kaq e qartë", tha Kumbaro.

Kumbaro u shpreh se po përpiqen që të krijojnë modele të qëndrueshme të zhvillimit dhe kanë vendosur kohët e fundit që të zgjerojnë zonat e mbrojtura.

Ndërsa Komisionerja e BE-së për Inovacionin, Mariya Gabriel, tha se për mbrojtjen e tokës, duhen disa veprime më koherente..

“Ndotja nuk njeh kufi dhe ne nuk mund të arrijmë objektivat për zero ndotje në Bashkimin Evropian pa të gjitha përpjekjet e të gjitha vendeve. Duke patur parasysh të gjithë Ballkanin Perëndimor, por në të njëjtën kohë edhe ndërlidhjen e fortë që ekziston ndërmjet ekosistemeve të ndryshme, në rajon është thelbësore që ne të fuqizojmë bashkëpunimin rajonal dhe ndërkombëtar dhe të përfshijmë gjithë aktorët për përpilim e politikave mjedisore",  tha Gabriel.

Aktiviteti u organizua në kuadër të takimit rajonal mbi Kulturën, Kërkimin, Inovacionin dhe Arsimin, nën kujdesin e Komisionit Evropian, Presidencës franceze të Këshillit të Bashkimit Evropian dhe disa ministrive të Shqipërisë.

Autorët paralajmërojnë se cilësia e ajrit në Ballkanin Perëndimor është ende jashtë parametrave, duke rritur mundësinë që sëmundjet që lidhen me ndotjen, të  vijonë të shtohen nëse nuk ndërmerren masat e duhura. Raporti shqyrtoi gjithashtu gjendjen e dherave në rajon, me rezultate shqetësuese sipas të cilave një e treta e gjithë tokës bujqësore mund të bëhet e papërdorshme nga erozioni ujor. Vetëm 2.6% e sipërfaqes bujqësore përdoret për bujqësi organike, shumë larg objektivit të BE-së prej 25%. Miratimi i acquis të BE-së është një detyrim për vendet në kuadër të “Marrëveshjes së Stabilizim-Asociimit” dhe është i detyrueshëm për anëtarësimin.

B.K./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rikthimi i PD-së me protesta në shtator, a do ta forcojë politikisht?



×

Lajmi i fundit

U ndërpre energjia gjatë koncertit të Noizy? Reagon OSHEE: Ra automati nga pajisjet brenda regjisë

U ndërpre energjia gjatë koncertit të Noizy? Reagon OSHEE: Ra automati nga pajisjet brenda regjisë