Korça kalon në minus gradë, banorët ankohen për rritjen e çmimit të drunjve: Po ngrohemi me korent! (VIDEO)

Këto ditë temperaturat në qytetin e Korçës janë ulur ndjeshëm duke shkuar në minus gradë, çka ka bërë që furnizimi me dru zjarri të jetë i detyrueshëm për qytetarët, por nga ana tjetër i çmimi i tyre është pa përballueshëm për ta.

Ata shprehen se drutë kanë pësuar rritje çmimi nga viti në vit. E kjo gjë i ka detyruar banorët e juglindjes të ngrohen herë-herë me energji elektrike.

“I kam marrë me 34. Nuk është i përballueshëm me pensionin që kemi. Çmimi është i lartë për momentin. Nga 10 metër kub do marrësh 7. Përvit ngrihet. Në bazë të pensionit i marrim. 45 metri kub. Gjysmat i kemi marrë, gjysmat jo për shkak të gjendjes financiare”, thanë qytetarët korçarë.  

1575645651_drukorce.jpg

Jo vetëm çmimi, por sipas qytetarëve atë çfarë kanë hasur kohët e fundit është edhe abuzimi në metër, pasi sipas tyre asnjëherë nuk vjen i plotë.

“Ne ngrohemi me korent. I kanë bërë shumë të vogla kubikët. Nuk na leverdis. Me këto kubikët na bënë kërdinë”, u shprehën të tjerë qytetarë.

Të kontaktuar nga Report Tv, bizneset e licencuara për tregtimin e druve, mohojnë pretendimet e qytetarëve duke thënë se në juglindje çmimi i druve vazhdon të jetë i njëjtë me vitet e kaluara. 

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Shpërthen bombola e gazit, digjet apartamenti në Patos

Shpërthen bombola e gazit, digjet apartamenti në Patos