Reshjet e borës dhe temperaturat nën zero gradë kanë sjelle problematika në rrugët e qarkut të Dibrës, sidomos në orët e para të mëngjesit. Siç shihet në pamjet e Report TV aksesohet me vështirësi aksi Fushë Bulqizë - Qafa e Buallit. E njëjta problematikë u shfaq dhe Qafën e Murrizit, pjesë e Rrugës së Arbrit. Rreth mesditës, firmat kontraktore kanë ndërhyrë dhe lëvizja është normalizuar.
Përgjatë natës dhe mëngjesit të sotëm ka pasur reshje intensive dhe në Korçë ku, trashësia e borës shkon deri në 25 centimetra.
Aksi Korçë-Erseke, sidomos në kthesat e Qarrit kalohet me zinxhirë, ndërsa rrugët e tjera nacionale janë të kalueshme. Mbeten të bllokuar fshatrat malore, Vithkuq, Lekas dhe Panarit, ku trashësia e borës shkon në gjysmë metri.
Sa i përket fundjavës metereologët parashikojnë reshje të pakta të dëborës, por rënie të ndjeshme të temperaturave në mëngjes dhe në mesditë, duke u luhatur nga -5 gradë celsius deri në 9 gradë.
Në Korçë reshjet e dëborës kanë sjellë probleme me energjinë elektrike. Rreth 300 familje në zona të thella malore kanë mbetur pa energji elektrike. Ekipet e OSHEE-së janë në tërren për të bërë të mundur rikthimin e energjisë elektrike por ndërhyrja mbetet e vështirë për shkak të reshjeve të dëborës që kanë sjellë ngrica.
Në aksin e rrugës së Arbrit Fushë Bulqizë-Qafa e Buallit ka prani të ngricave. Kjo ka sjellë vështirësi në qarkullimin e mjeteve. Drejtuesve të mjeteve u bëhet thirrje që të jenë të kujdesshëm.
Një prej akseve problematike për të qarkulluar është edhe segmenti i Bypasit në tunelet e Qafë Murrizit. Ndërkohë pavarësisht pranisë së ngricave, rruga nuk është kriposur ende nga koncesionari.
Lajme të tjera
-
Pritet rritja e çmimeve të frutave dhe perimeve! Fermerët e Devollit: Shkak pesticidet, po i blejmë më shtrenjtë dhe s'japin efekt
22 Prill, 14:58
-
Goditi me grushte e sende të forta 3 të rinj, arrestohet 26-vjeçari
22 Prill, 13:21 -
Bora në Korçë, e hapur rruga që të çon në fshatin Panarit
22 Prill, 11:20 -
Dëborë dhe akull në rrugën e Kombit, makina del nga rruga, shpëton mrekullisht familja (Video)
21 Prill, 16:56 -
Dëbora zbardh stadiumin, shtyhet ndeshja e Kategorisë së Parë
21 Prill, 15:43 -
Njëri rreh kunatën, tjetri vëllanë, e pësojnë dy 52 vjeçarët në Korçë
21 Prill, 15:38 -
I dënuar për trafik emigrantësh të paligjshëm, arrestohet 20 vjeçari në Korçë
21 Prill, 15:32 -
FOTO/ Puka mbulohet nga dëbora, bardhësia zbukuron qytetin
21 Prill, 12:18 -
Korça përfshihet nja reshje të shumta shiu! Prezencë mjegulle në Qafë-Thanë
21 Prill, 11:54 -
10-vjetori i vdekjes, Korça përkujton poetin Koçi Petriti me vargjet e tij
20 Prill, 17:25
-
Pogradec/ Peshkatari kap koranin mbi 13 kg në Ohër e shet për 20 mijë lekë: S’kisha kapur kurrë kaq të madh
20 Prill, 14:20
-
Korçë, bora zbardh Dardhën në prill, fshati turistik mirëpret pushuesit
20 Prill, 10:44
