Korçë/ U mori 1000 euro për kalimin drejt vendeve të BE-së, arrestohet 20-vjeçari që transportonte 12 emigrantë të paligjshëm

Një 20-vjeçar u arrestua nga policia pasi u kap duke transportuar 12 emigrantë të paligjshëm.

I riu me iniciale A.K. është ndaluar nga autoritetet në aksin rrugor Korçë-Pogradec pranë fshatit Buçimas.

Ai po udhëtonte me mjetin fuoristradë tip "Porsche" me 12 emigrantë të paligjshëm ku në këmbim të shumës 1000 euro u kishte premtuar atyre kalimin drejt vendeve të BE-së.

"Strukturat për Hetimin e Krimeve në Drejtorinë Vendore të Policisë Korçë, në bashkëpunim me Policinë Kufitare, Sektorin e Policisë Rrugore dhe Komisariatin e Policisë Pogradec, në vijim të operacionit policor "Perimetri", kanë goditur një tjetër rast të aktivitetit kriminal në fushën e dhënies ndihmë shtetasve të huaj për kalim të paligjshëm të kufirit, kundrejt shpërblimit, si rezultat i të cilit u bë kapja dhe arrestimi në flagrancë i shtetasit A. K., 20 vjeç, banues në Tiranë" - njofton policia.

Materialet i kaluan Prokurorisë së Rrethit Gjyqësor Pogradec, për veprën penale "Ndihma për kalim të paligjshëm të kufijve” kryer në bashkëpunim.

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet