Koronavirusi, blindohet Turqia me masa të reja

Në përgjigje të pandemisë nga koronavirusi, Presidenti Rexhep Tajip Erdogan me autorizimin e këshillit shkencor pranë qeverisë, ka shpallur masa të reja izolimi teksa në vend numërohen rreth 7400 infeksione dhe 108 viktima.

Ndërsa nga dje u anuluam të gjitha fluturimet ndërkombëtare, gjithashtu janë ndaluar aktivitetet rekreative, sporti në natyrë, peshkimi gjatë bregdetit, lumenjve dhe plazheve kurse udhëtimet në distanca të gjata kërkojnë leje nga autoritetet vendore.

Erdogan i ka kërkuar njerëzve karantinë vullnetare, të qëndrojnë në shtëpi dhe vetëm një person për familje të dalë vetëm një herë në ditë për blerje apo nevoja themelore.

Kompanitë private, si dhe sektori publik, do të punojnë me numër të reduktuar në maksimum stafi dhe me orare fleksibël.

Lajmi kryesor:

Në Itali ulet numri i viktimave dhe të shëruarve, rriten të infektuarit në 24 orët e fundit! Ritme të larta në Spanjë, Britani e Gjermani

Ne.k./Shqiptarja.com

TAG:
• turqi
• Koronavirus