Koronavirusi/ Ylli Manjani ironizon Ramën: Pacienti zero ka ardhur në Shqipëri që në vitin 1998

Të gjendur në një situatë të vështirë për shkak të COVID-19, ish Ministri i Drejtësisë Ylli Manjani ka zgjedhur pikërisht virusin vdekjeprurës për të ironizuar kryeministrin Rama, përmes disa vargjeve që tregojnë historinë e tij politike.

Në një postim në rrjetet sociale, Manjani shprehet se “pacienti zero ka ardhur në Shqipëri që në vitin 1998 nga Parisi. U fut në qeveri si Ministër i Kulturës.

Infektoi qeverinë, administradën, Partinë Socialiste, partitë e tjera, bisnesin, shoqërinë civile, ambasadorë e misione diplomatike, të rinj e pleq, burra e gra, me ose të pa punë e këdo që jetoi në këtë vend prej vitit 1998.”

Postimi i plotë i Manjanit:

Pacienti zero.

========

Po, është shumë i vërtetë ky fakt që dikush ma solli ndërmend mend! (Për të mos nxitur konspiracion nuk po ja them emrin ;-)

Pacienti zero ka ardhur në Shqipëri që në vitin 1998. Erdhi nga Parisi dhe e pranoi në trupin e saj, më së pari qeveria e Fatos Nanos. Pacienti zero u fut në qeveri si Ministër i Kulturës.

Infektoi qeverinë, administradën, Partinë Socialiste, partitë e tjera, bisnesin, shoqërinë civile, ambasadorë e misione diplomatike, të rinj e pleq, burra e gra, me ose të pa punë e këdo që jetoi në këtë vend prej vitit 1998.

Si të gjitha viruset, edhe ky i ardhur nga Parisi ka receptorë mashtrues për sistemin imunitar dhe që e bën qelizën njerëzore ta pranojë, pa e ditur se infektohet dhe degjeneron.

Të gjithë u infektuam nga ky virus, me apo pa dashje. Disa e luftuan shpejt dhe u çliruan, disa të tjetë më ngadalë. Por ka ende shumë të infektuar prej virusit që sot shfaqet si mutacion, dmth si babai i të gjithëve ne. (MUTACION jo domosdoshmërisht vjen nga fjala MUT ).

Vini re se ka ende shumë që nuk shkojnë të shohin baballarët e tyre të izuluar nëpër shtëpi, por i bëjnë like atij, pacientit zero që infekton vazhdimisht trutë e njerëzve.

Nuk luftohet kollaj ky virus, nëse të infektuarit prej pacientit zero janë shumë dhe, më keq akoma nuk pranojnë të shërohen!!

Ka disa të infektuar madje që thonë, po pse ta luftojmë këtë virus që na ngjiti Bosi? Nuk ka më të mirë se ai!!! Këta nuk rrinë dot pa u infektuar. Duan se sbën në virus të një Bosi...

Virusi i nështrimit, është dhe mbetet më i rrezikshmi dhe njëkohësisht më i vështiri për tu luftuar.

Është virus mashtrues që mbijeton në shumë situata. Është virus që e ndalon sistemin imunitar të shoqërisë dhe e vë atë nën sundimin e tij.

Të keqen e COVID. Ta hash për qef është, krahasuar me virusin e sunduesit. Në fakt mjeksia e përdor këtë metodë, pra të diversionit të sistemit imunitar në betejë ndaj virusve me njëri tjetrin...

Pa dyshim, pacienti zero i ardhur në Shqipëri i mbijetoi të gjitha reagimeve imunitare. Asnjë rregull, ligj, protokoll, moral e Kushtetutë nuk e ndaloi dot. As kundërshtarët.

Të gjithë u infektuam prej tij dhe, me apo pa dashje i dhamë një dorë të mirë drejt përhapjes. Ka nga ata të infektuar me peshë, që edhe pasi shërohen, prap i japin dorën virusit....

TAG:
• edi rama
• lefter maliqi
• koronavirusi