Koronavirusi/Sekretari i Përgjithshëm i OKB, Guterres: Situata shumë e rrezikshme, bota duhet të përgatitet

Ndërsa numri i vdekjeve të koronavirusit afrohet në pragun e 2,000 vdekjeve, Sekretari i Përgjithshëm i Kombeve të Bashkuara Antonio Guterres mohon se epidemia është shumë e rrezikshme.

"Unë nuk mendoj se po del jashtë kontrollit, megjithatë është një problem i madh që ka kërkuar një përgjigje po aq të madhe nga Kina. Shpresoj se virusi mund të përmbahet në Kinë, por mbetet një situatë e rrezikshme, me rreziqe të mëdha, dhe për këtë bota duhet të jetë gati”, - tha Guterres.

Trembëdhjetë qytetarë amerikanë që u konsideruan të jenë "në rrezik të lartë" infektimi nga koronavirusi i ri, të cilët ishin në bordin e 'Diamond Princess', u transportuan në një strukturë të specializuar në Universitetin e Nebraska. Ata ishin pjesë e 338 amerikanëve të evakuuar nga trageti.

Gjithashtu dje janë evakuuar nga karantina lundruese edhe 22 qytetarë italianë..

Ndërkohë, në Pekin ka mbërritur në një grip pune i OBSH, i cili do të duhet të përcaktojë nëse, siç thonë autoritetet kineze, situata është me të vërtetë nën kontroll. Drejtori i përgjithshëm i Organizatës tha se "Duket se Covid-19 nuk është aq vdekjeprurës sa koronaviruset e tjerë, përfshirë SARS dhe MERS," dhe se "Më shumë se 80% e pacientëve do të shërohen."

Lajmi kryesor:

Koronavirusi i Wuhan vazhdon të vrasë, 98 viktima në 24 orë, Studimi: Të moshuarit dhe të sëmurët 'objektiv' i sulmeve (VIDEO)

TAG:
• Kine
• viktima
• Wuhan
• Koronavirus