Korrupsion në zgjedhjet e 6 marsit 2022, nis gjyqi për Memollën! Kryebashkiaku i Rrogozhinës: Gati të përballem me drejtësinë

TIRANË- Në Gjykatën e Posaçme u zhvillua seanca e parë për kryebashkiakun socialist Edison Memolla, ndaj të cilit ka nisur gjykimi për korrupsion në zgjedhjet e 6 marsit 2022. Vetë Memolla ishte i pranishëm në seancën, ndërsa në një prononcim për mediat, kryebashkiaku i Rrogozhinës tha se është gati të përballet me drejtësinë.

“Isha si dëshmitar. Jam i gatshëm te përballem me drejtësinë për të provuar pafajësinë”, tha Memolla.

Gjykata caktoi datën 23 korrik në ora 13:00 për seancën e radhës ku avokatët do të paraqesin provat e tyre dhe më pas do të jepen konkluzionet e SPAK. Akuza ndaj Memollës u ngrit pasi u transmetuan regjistrime bisedash për favorizime në këmbim të votës në zgjedhjet e pjesshme lokale të 6 marsit.

Rasti u denoncua 2 ditë para zgjedhjeve, ku Memolla i kërkonte punonjësit të OSSHEE që të mos i ndërpriste dritat një familjeje debitore sa t’i merrte votat. Madje i konfirmonte se do ja kryente vetë ai një muaj pagesë, e do të ndërhynte tek drejtorët e OSHEE-së që të mos penalizonin punonjësit që kryenin këto favorizime sa të kalonin zgjedhjet.

Përveç korrupsionit zgjedhor, MeMolla po hetohet nga SPAK edhe për pastrim parash, pasi akuzohet se ka abuzuar me fondet e rindërtimit.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Jeni dakord që në Shqipëri të ndalohet përdorimi i euros për pagesa?



×

Lajmi i fundit

Alban Daci: Dorëzimi politik përballë një vendimi juridik

Alban Daci: Dorëzimi politik përballë një vendimi juridik