Kosova ashpërson masat anti-COVID, ora policore nis në 22:00, lokalet e hapura deri në 21:00! Nuk lejohen klubet e natës

Kosova ashpërson masat anti-COVID, ora policore nis në 22:00, lokalet e hapura deri në 21:00! Nuk lejohen klubet e natës

Foto ilustruese

KOSOVË- Qeveria e Kosovës ka miratuar masat e reja anti-COVID që do të futen në fuqi nga dita e nesërme dhe do të zgjasin deri më 4 shkurt 2022.

Përmes një mbledhjeje online, për shkak të rritjes së infektimeve me COVID, qeveria ka vendosur që ora policore do të jetë nga ora 22:00 deri në orën 05:00. Më herët ora policore niste që në 00:00.

Nuk do të lejohen grumbullimet mbi 30 persona në ambientet e brendshme, ndërsa klubet e natës do të vijojnë të jenë të mbyllura. Sakaq, ndalohet organizmi i festave, dasmave, si edhe pritja në ceremonitë mortore.

Baret dhe restorantet do të lejohet të punojnë deri më 21:00, ndërsa muzika duhet të ndalohet që 20:30, nga 21:30 që ka qenë deri më tani.

Personat që futen në territorin e Kosovës duhet të jenë të vaksinuar me tre dozat e vaksinës anti-COVID, por në rastet kur një qytetar ka vetëm dy doza do t’i duhet të paraqesë edhe një PCR negative të 48 orëve të fundit.

Për shtetasit e Republikës së Kosovës që nuk i kanë dy doza të vaksinës janë të detyruar të kryejnë karranitnim shtëpiak për një periudhë prej shtatë ditësh që nga hyrja në territorin e Kosovës.

Masat e reja janë kundërshtuar nga lideri i AAK-së, Ramush Haradinaj i cili thotë se qeveria dështoi në menaxhimin e situatës së pandemisë dhe tani iu bie në qafë qytetarëve. 

Rendit zhvillimet sipas orarit:
Ora 22:01
Haradinaj kundër masave të reja anti-COVID: Qeveria nuk menaxhoi dot situatën, po i bie në qafë qytetarëve

Kryetari i AAK-së, Ramush Haradinaj ka dalë kundër masave të Qeverisë për parandalimin e përhapjes së COVID-19. Sipas tij qeveria nuk ka e ka menaxhuar situatën e COVID dhe po u bie në qafë qytetarëve.

Ai shkruan në ‘Facebook’ se këto masa nuk kanë asnjë efekt në parandalimin e përhapjes së virusit.

“Për papërgjegjësitë e veta dhe keqmenaxhimin e situatës me pandeminë, qeveria tani po i bie në qafë qytetarëve dhe gastronomëve duke kufizuar orarin e lëvizjes dhe mbylljen e hershme të gastronomisë. Këto masa tashmë nuk kanë asnjë efekt në parandalimin e përhapjes së virusit, siç edhe është dëshmuar.

Prandaj jemi kundër masave të votuara dhe i bëjmë thirrje qeverisë që të jetë më e përgjegjshme përballë situatave të ndjeshme si pandemia, duke analizuar mirë masat, e jo duke ndërmarrë veprime ad hoc e ndëshkuese ndaj qytetarëve pa asnjë efekt në pengimin e përhapjes së virusit”, shkruan Haradinaj.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Nënkryetari i Bashkisë Himarë, Previn Gjikuria tregon pse u tërhoq në momentet e fundit nga votimi për drejtimin e Himarës

Nënkryetari i Bashkisë Himarë, Previn Gjikuria tregon pse u tërhoq në momentet e fundit nga votimi për drejtimin e Himarës