Kosovë, rreth 35 përqind e popullatës së rritur janë vaksinuar me dy doza

Rreth 35 përqind e popullatës së rritur mbi moshën 18 vjeçare janë të vaksinuar me dy doza të vaksinës anti-COVID në Kosovë. Sipas Qeverisë së Kosovës deri më tani numri i qytetarëve të vaksinuar me dy doza është mbi 440 mijë.

Ekzekutivi me anë të njoftimi bëri të ditur se janë në rrugë të mbarë ta tejkalojnë vaksinimin e 60 përqindëshit të popullatës.

‘Deri tani mbi 440.000 mijë qytetarë janë vaksinuar me dy doza apo 35% e popullatës së rritur – mbi 18 vjeç. Procesi i vaksinimit po vazhdon dhe me këtë ritëm jemi në rrugë të mbarë që të tejkalojmë cakun prej 60% të popullatës së rritur deri në fund të vitit.

LEXO EDHE:
U ndalua në Serbi, lirohet zëvendësdrejtori i Policisë së Kosovës

Ndërkohë, këtë javë numri i rasteve të reja ka pësuar rënie të ndjeshme, sikurse edhe rasteve të hospitalizuara. Nga sot kemi nën 10.000 raste aktive, për herë të parë pas 15 gushtit, kurse sot pozitivitet i rasteve të reja është vetëm 2.98%, më i ulëti që nga 2 gushti”.- thuhet në njoftim.

M.Q./Shqiptarja.com

TAG:
• kosove
• koronavirusi
• Vaksina Covid