Krijohet ilaçi i parë që mund të ngadalësojë sëmundjen e Alzheimerit

Një kompani amerikane multinacionale bioteknologjike që merret me studimin e sëmundjeve neurologjike ka krijuar terapinë e parë që mund të ngadalësojë sëmundjen e Alzheimerit dhe tani është e gatshme ta sjellë atë në treg.

Aktualisht  nuk ka ilaçe që mund ta bëjnë këtë dhe ato ekzistuese ndihmojnë vetëm me qetësimin e simptomave.

Kompania “Biogen” thotë se së shpejti do të kërkojë miratimin e   SHBA-së  për ilaçin ‘marramendës’, të quajtur Aducanumab.

Ajo ka planifikuar të paraqesë dokumentet në fillim të vitit 2020 në SHBA dhe më pas në Evropë.

Kompania synon fillimisht të ofrojë ilaçin për pacientët e regjistruar në studimet klinike.

Sipas BBC, njoftimi është disi befasues sepse kompania kishte ndërprerë punën për ilaçin në mars të vitit 2019 pas zhgënjimit nga rezultatet.

Por sipas tyre, një analizë e re ka treguar se dozat më të larta të aducanumab mund të japin më shumë rezultat për pacientët me Alzheimer të hershëm, në mënyrë që ata të ruajnë më shumë kujtesën e tyre.

Mediakamenti  Aducanumab ka  një proteinë të quajtur amyloid që formon depozita anormale në trurin e njerëzve me Alzheimer.

Shkencëtarët mendojnë se këto pllaka janë toksike për qelizat e trurit dhe se pastrimi i tyre duke përdorur drogë do të ishte një përparim në trajtim.

 Sipas shefit ekzekutiv të  “Biogen”, Michel Vounatsos, është shpresëdhënëse mundësia e ofrimit të  terapisë së  parë për të zvogëluar rënien e rezultateve të sëmundjes së Alzheimerit.

Hilary Evans nga “Alzheimer's Research UK” tha: "Njerëzit e prekur nga Alzheimeri kanë pritur një kohë të gjatë për një trajtim të ri që ndryshon jetën dhe ky njoftim emocionues ofron shpresë të re. Ndërsa shfaqen më shumë të dhëna, shpresojmë se do të nxisë diskutime globale për hapat e ardhshëm për ofrimin e trajtimeve shumë të nevojshme".

Prof Bart De Strooper, Drejtor i Institutit të Kërkimeve për Shëndetin mendor në Mbretërinë e Bashkuar në Kolegjin e universitetit të Londrës, tha: "Është fantastike të dëgjosh për këto rezultate të reja pozitive që dalin nga gjykimet e ilaçit aducanumab. Ne aktualisht nuk kemi trajtime efektive për të ngadalësuar ose ndaluar përparimin e Alzheimerit dhe kjo nënkupton një pikë kthese".

Për ata që nuk e dinë, Alzheimeri është  një sëmundje që prek trurin duke përfshirë  një grup simptomash që sjellin  probleme me kujtesën dhe të menduarit.

Ekzistojnë  lloje të ndryshme të sëmundjeve mendore, por Alzheimeri thuhet se është më i zakonshmi dhe më i hulumtuari.

Aktualisht ka 850,000 njerëz me sëmundje mendore  në Mbretërinë e Bashkuar.

Ekspertët shpresojnë që krijimi i këtij ilaçi të sjellë rezultate pozitive.

TAG:
• SHBA
• alzheimer
• ilaçi