Krujë/ Vrau nipin, policia gjen armën e krimit dhe një pushkë (VIDEO)

KRUJË - Një ditë pas ngjarjes së rëndë në fshatin Halil të Krujës, policia gjeti një pistoletë TT të autorit të krimit, Shkëlqim Halili 50 vjeç i cili vrau nipin mbrëmjen e djeshme, Julian Halilin 41 vjeç/. Po ashtu, pas kontrollit në territorin ku dyshohej se 50-vjeçari kishte hedhur armën, u gjet edhe një pushkë.

Pas një ore rrethimi të zonës dhe vendit ku fshihej, u bë e mundur kapja dhe arrestimi në flagrancë i autorit të ngjarjes, për veprat penale “Vrasja me dashje" dhe "Armëmbajtja pa leje".

Si rezultat i kontrolleve nga një grup i specializuar i FNSH Tiranë, me pajisje speciale metalkërkuese dhe pas kontrolleve të shumta u bë e mundur gjatja në terren e armës së krimit, pistoletë TT dhe e një pushke gjysmë automatike, të cilat autori i kishte fshehur larg banesës.

Xhaxhai vrau nipi, baba i dy fëmijëve, me armë zjarri pistoletë duke e qëlluar 5 herë në derën e shtëpisë pas një konflikti që e kishte zanafillën dy javë më parë.

Xhaxhai dhe nipi, që banonin shumë pranë njëri tjetrit në fshat, dy javë më parë kishin pasur një konflikt, që agravoi dhe mbrëmjen e sotme 50-vjeçari mori armën dhe shkoi e vrau në pragun e shtëpisë.

Xhaxhai vrasës pas ngjarjes u arratis i armatosur me pistoletë dhe kallashnikov, por liria zgjati vetëm pak minuta, rreth një orë, pasi u prangos nga policia që e rrethoi. Autori është kapur në një banesë të familjeve rome në fshatin Halil.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Rusia dështon sërish në nismën për debat në Këshillin e Sigurimit mbi ndërhyrjen e NATO-s në Kosovë

Rusia dështon sërish në nismën për debat në Këshillin e Sigurimit mbi ndërhyrjen e NATO-s në Kosovë