Kryemadhi: Kryeministrit t’i vijë turp që thotë që shqiptarët të ikin! Fermeri në Cakran me vajin e ullirit ka mundësi për të fituar 10-fish më shumë se në Gjermani

Kryetarja e LSI  Monika Kryemadhi zhvilloi ditën e sotme një vizitë në një familje në Cakran, ku sulmoi kryeministrin Edi Rama, duke thënë se ti vij turp që thotë që shqiptarët le të ikin nga vendi.

Sipas Kryemadhit, një fermer në Cakran me vajin e ullirit, dhe me ullishtet që ka, e ka probabilitetin shumë të madh për fituar 10-fishin e asaj që punon  në Gjermani apo që punon në Maltë e kudo tjetër.

‘Vaji i ullirit është një nga prodhimet që është më të kërkuar në tregun ndërkombëtar por mungesa e infrastrukturës ose dhe e ofrimit të tregut apo dhe organizimit që duhet të bëjmë mungon. Një nga pikat kryesore që dhe ne e kemi pjesë jo vetëm të programit por dhe obligim tonin sepse në fund të ditës njerëzit në Shqipëri do punojnë, do prodhojnë dhe do konsumojnë. Por dhe do eksportojmë, gjë që është shumë e rëndësishme.

LEXO EDHE:
Gjergj Luca ndez një qiri në kishë për Monika Kryemadhin: Pas këtij momenti mos e rruaj më (Video)

Njerëzit duhet të jetojnë në Shqipëri, të punojnë në Shqipëri dhe të ndërtojnë në Shqipëri sepse vendi ynë i ka shanset dhe mundësitë pafund. Dhe turp më të madh se Kryeministri që thotë le të ikin shqiptarët sepse paguhen më mirë kur ndërkohë shqiptarët mund të jetojnë në Shqipëri, në shtëpitë e tyre, në tokën e tyre dhe të paguhen edhe dy herë edhe tre herë më shumë se në Gjermani.

Sepse një fermer këtu në Cakran për vajin e ullirit, me tokën që ka, me ullishtet që ka, e ka probabilitetin shumë të madh për fituar 10-fishin e asaj që punon  në Gjermani apo që punon në Maltë e kudo tjetër. Dhe unë them që vetëm një vullnet politik dhe dëshira e mirë, mjafton të duash njerëzit e tu, të duash popullin tënd dhe ia krijon mundësinë njerëzve për të ardhur dhe për të punuar dhe jetuar në Shqipëri.’- tha Kryemadhi.

M.Q./Shqiptarja.com

TAG:
• Fier
• monika kryemadhi
• cakran
• zgjedhjet parlamentare 2021