Kryetari i PD-së Shkodër akuza ndaj Bardh Spahisë: Ka larguar demokratët e vërtetë për të plotësuar orekset e 'Shtëpisë së Lirisë'

Kryetari i PD-së Shkodër akuza ndaj Bardh Spahisë: Ka larguar demokratët e vërtetë për të plotësuar orekset e 'Shtëpisë së Lirisë'

Xhevdet Amuli dhe Bardh Spahia

Kryetari i PD-së në Shkodër, Xhevdet Amuli ka hedhur akuza ndaj kryetarit të bashkisë Shkodër Bardh Spahia, i zgjedhur nga 'Rithemelimi'. Sipas tij, Spahia është duke larguar nga pozicione pune demokratët e vërtetë për qëllime politike e inate personale.

Amuli vijon shkrimin e tij në Facebook, duke i bërë thirrje kryetarit aktual që të ndalojë fushatën e shkarkimeve nga puna e demokratëve të cilët kanë kontribuar ndër vite në ato pozicione pune. 

Ky largim sipasj tij vjen në vazhdën e shkarkimeve të demokratëve dhe profesionistëve, për të plotësuar orekset dhe premtimet elektorale të Koalicionit Shtëpia e Lirisë.

'Kryetari i Bashkisë Shkodër,Bardh Spahia nuk po ndalet në sulmet kundër demokratëve të vërtetë.

Së fundmi ka shkarkuar nga detyra si drejtues i Qendrës së Zhvillimit një prej aktivistëve dhe kontributorëve të Partisë Demokratike ndër vite,Fatmir Vojvoda.

Fatmir Vojvoda vjen nga një familje e persekutuar nga ish-regjimi komunist dhe gjatë detyrës së tij është shquar për korrektesë me stafin e kësaj qëndre dhe profesionalizëm në shërbim të këtij komuniteti me problematika në planin mendor dhe fizik.

Ky largim vjen në vazhdën e shkarkimeve të demokratëve dhe profesionistëve, pa asnjë motivacion,por për qëllime politike dhe për të plotësuar orekset dhe premtimet elektorale të Koalicionit Shtëpia e Lirisë.

Që prej fillimit të mandatit Bardh Spahia ka larguar disa demokratë dhe drejtues të bashkisë Shkodër vetëm me qëllime politike dhe inate personale.

Partia Demokratike,dega Shkodër i bën thirrje Kryeatrit aktual Bardh Spahia që të ndalojë fushatën e shkarkimeve dhe largimeve nga puna të demokratëve të ndershëm të cilët kanë kontribuar ndër vite për fitoren e PD-së në qytetin e Shkodrës.

Politika e ndjekur nga Rithemelimi, Foltorja me këto largime, nuk do asesi bashkimin  e demokratëve të ndershëm,por realizimin e politikave dhe objektivave personale të drejtuesve të këtij grupimi politik.'- shkruan Kreu i PD-së së Shkodrës.

Kujtojmë që Bardh Spahia mori drejtimin e bashkisë së Shkodrës zyrtarisht më 31 mars të këtij viti.  Spahia ishte kandidati i Komisionit të Rithemelimit të drejtuar nga Sali Berisha. Ai mundi në këtë garë kandidaten e PS, Majlinda Angoni si edhe kandidatin e PD-së, Xhemal Bushati. 

Kjo nuk është hera e parë që kryetari i bashksië Shkodër përballet me këto akuza, ai ka firmosur shkarkimin e 2 administratorëve më 14 prill, atij të njësisë Administrative të Postribës, Altin Shabaj dhe atij të Dajçit, Gjovalin Darragjati. Duhet theksuar se administratori emërohet dhe shkarkohet nga kryetari i bashkisë dhe është përgjegjës para tij për funksionimin dhe veprimtarinë e administratës.

G.MO/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shqiptari dhunon gruan dhe djalin e mitur në Itali

Shqiptari dhunon gruan dhe djalin e mitur në Itali