Kthehen lipsanet (eshtrat) e Shën Joan Vladimirit në manastirin me të njëjtin emër në Elbasan, Rama i pranishëm në ceremoni (VIDEO)

Lipsanet (eshtrat) e Shën Joan Vladimirit janë kthyer sot në manastirin me të njëjtin emër në Elbasan, ndërsa i pranishëm në ceremoni ishte edhe kryeministri Edi Rama dhe Ministrja e Kulturës, Elva Margariti.

Kryeministri e konsideron këtë "një çast emocionues" në jetën e komunitetit ortodoks të Elbasanit dhe krejt Shqipërisë, ndërsa thotë se një gjë e tillë u arrit falë nxitjes këmbëngulëse të Evis Kushit dhe Taulant Ballës, të dy kandidatë për deputetë në Elbasan.

"Dorëzimi i lipsaneve (eshtrave) të Shën Joan Vladimirit, një çast emocionues në jetën e komunitetit ortodoks të Elbasanit dhe krejt Shqipërisë, falë nxitjes këmbëngulëse të Evisit e Taulantit, në mbështetje të komunitetit e të autoriteteve të Kishës Autoqefale Shqiptare", thotë Rama.

Ndërkohë, Margariti u shpreh se eshtrat u morën nga fondi muzeor i Muzeut Kombëtar dhe se ka qenë një proces burokratik i vështirë.

"Jemi në Manastirin e Shën Joan Vladimirit, kemi ardhur për të përfunduar një proces që kishim nisur që është dorëzimi i eshtrave të Shën Joan Vladimirit që zbuluam se ndodheshin në fondin tonë muzeor të Muzeut Kombëtar. Jam mirënjohëse të gjithë atyre që na ndihmuan, ka qenë një proces burokratik i vështirë, por aty ku qëndron vullneti dhe falë edhe mbështetjes së kryeministrit, e kemi përfunduar me skukses", tha Margariti.

1618219043_edirama.jpg 

Foto nga ceremonia në manastirin e Shën Joan Vladimirit në Elbasan

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

‘1 milion euro për dashni’, komedi tek ‘Eksperimentali’! ‘Marie Kraja’, 2 net spektakli në Opera! Nga Roland Tasho tek Stefano Romano, Tirana me ekspozita!

‘1 milion euro për dashni’, komedi tek ‘Eksperimentali’! ‘Marie Kraja’, 2 net spektakli në Opera! Nga Roland Tasho tek Stefano Romano, Tirana me ekspozita!