Kuçana: Berisha ka vendin e tij të nderit por PD duhet të ketë reflektim! Çollaku: Pa ikur ai nuk ringrihet PD

“Berisha mund të çlirojë PD me tërheqjen e tij”. Kështu tha kryetarja e njësisë 2 e PD, Mirlinda Çollaku, e cila u shpreh se Berisha duhet të hapë garën për të tjerë, jo për veten.

Në një intervistë për Report Tv në emisionin ‘Studio Live’ me gazetarin Arbër Hitaj, Çollaku tha se nuk ka funksionuar aspak heshtja e demokratëve për të mos përçarë PD.

“Për vendimmarrjen se çfarë rruge duhet të eci PD, në bindjen time jemi shumë të vonuar. Gjatë këtij 1 viti e gjysmë, problematika ka qenë mungesa e theksuar e lidershipit për të bërë akte konkrete mbi një qëndrim të qartë politik dhe publik mbi çfarë ka ndodhur këtë vit.

Kjo heshtja jonë e stërzgjatur me qëllimin e mirë për të mos përçarë PD e për të dhënë terren që demokratët të bashkoheshin nuk ka funksionuar. PD ka nevojë emergjente të profilojë qëndrimet e saj. Askush nuk e vë në dyshim reputacionin e Berishës te demokratët. Por Berisha duhet të ketë vetëdijen e plotë se vetëm ai mund ta çlirojë PD me tërheqjen e tij. Le të hapë garën”, tha Çollaku.

Ndërsa Ilirjana Kuçana, e cila gjatë gjithë kësaj kohe ka mbështetur Sali Berishën, thotë se këtij të fundit i takon vendi i nderit në PD por duhet të ketë periudhë reflektimi në PD. Me këtë nënkupton faktin që Berisha nuk duhet të garojë për postin e kreut të demokratëve.

“Sot më shqetëson se në vendin tonë nuk ka opozitë. Berisha ka treguar pjekuri dhe besoj shumë tek eksperienca e tij politike. E kam shprehur dhe do e shpreh gjithmonë mbështetjen ndaj tij. Mendoj që e meriton vendin e nderit në PD dhe biem dakord që një individ pa logo, pa vulë, pa numërues ka arritur të marrë 500 mijë vota. S’ka demokrat që nuk e di rolin e Berishës, por jam e bindur që do të marrë vendime të duhura. PD duhet të ketë periudhë reflektimi të thellë dhe jam e bindur që gjithsecili ka përgjegjësi për humbjen e thellë të PD dhe të gjithë duhet të mbajnë përgjegjësi për humbjen e PD”, tha Kuçana.

A.M./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

VIDEO/ Kanali i mbushur me kastravecë, fermerët në Berat hedhin prodhimin

VIDEO/ Kanali i mbushur me kastravecë, fermerët në Berat hedhin prodhimin