Kufizimi i orarit për hyrjen në territorin grek, krijohen radhë kilometrike në doganën e Kakavijës (VIDEO)

Në pikën kufitare në Kakavijë, nga ana greke është krijuar një radhë e madhe automjetesh.

Qytetarët kanë raportuar se radha shkon 3 deri në 4 kilometra. Kujtojmë se me 6 gusht qeveria greke vendosi që në pikat e kalimit të Kakavijës dhe Kapshticës të jenë të mbyllura nga ora 22:00 deri në orën 06:00, si në hyrje dhe në dalje të Greqisë, pasi autoritetet greke kanë vendosur masa të reja kufizuese për frenimin e Covid-19. Kufizimi i orarit ka bërë që qytetarët të dynden për të kaluar kufirin, përpara se dogana greke të mbyllet në orarin 22:00.

Kufirin mund ta kalojnë vetëm shtetas grekë, shtetas shqiptarë e të huaj me leje qëndrimi greke dhe minoritarë me kartën përkatëse.

Rendit zhvillimet sipas orarit:
Ora 15:08
Ulet fluksi i makinave që futen në doganën e Morinës, shkak moti i keq dhe koronavirusi (VIDEO)

Në pikën kufitare të Morinës, kjo fundjavë, ka nisur me më pak fluks automjetesh dhe qytetarëve të Kosovës drejt bregdetit shqiptar. Numri i tyre që kaluan doganën e Morinit, mëmgjesin e kësaj të shtune ishte më i vogël se sa fundjava e kaluar. Kjo, për shkak të motit të paqëndrueshëm dhe situatës me koronavirus, me rritje të të infektuarëve në Shqipëri dhe Kosovë. Të pyetur se kush po e përhap më shumë virusin Covid19, Kosova apo Shqipëria, qytetarët e Kosovës shprehen se janë të paqartë se nga cila palë po përhapet virusi, por po përpiqen të respektojnë masat anti-covid. 

“Për pushime në Velipojë. Do rrimë 7 ditë aty dhe pastaj në të tjera vende vizitë”, tha një pushues.

“Në Shëngjin. Një javë do të rrimë maksimumi. Covid ka tek ne më shumë”, u shpreh një shqiptar i Kosovës.

“Deri në Shkodër, për vizitë. Do të kthehem në mbrëmje”, tregoi një tjetër.

“Po shkojmë në Shëngjin. Tre ditë do të rrimë. Situata me Covid e keqe është. Le të përfundoje ky virus se na ka ardhur në maje të hundës”, tha një tjetër.

Sakaq, pavarësisht rënies së lehtë të fluksit në orët e para të mëngjesit u krijuan kolona të gjata në doganën e Morinës. Policia kufitare punoi  me gjashtë sportele e procedurë të përshpejtuar. Ndërkohë, personeli kosovar mjekësor është larguar nga Vërmica, dhe tashmë nuk kryhen kontrolle mjekësore, matje e temperaturës, as në hyrje të Kosovës. 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Rezultat historik për boksin shqiptar, Alban Bermeta mes 20 më të mirëve në botë! Shumë pranë edhe Denis Nurja (FOTO)

Rezultat historik për boksin shqiptar, Alban Bermeta mes 20 më të mirëve në botë! Shumë pranë edhe Denis Nurja (FOTO)