Kumbulla: I emocionuar pas ndeshjes, tani marrim mentalitet fituesi, me Romën një ndjenjë tjetër nga ajo me kombëtaren

Roma triumfoi në finalen e Conference League ndaj Feyenoord me rezultatin 1-0. Stadium Air Albania rezultoi fatsjellës për verdhekuqtë teksa pjesë e italianëve është edhe Marash Kumbulla. Mbrojtësi i kombëtares, pas festës foli për Supersport ku theksoi se emocionet për të ishin të mëdha ndërsa shtoi se kërkon të marrë sërish trofe me Romën në sezonin e ardhshëm.

 “Ndjehem shumë i emocionuar për finalen në Tiranë me Romën, në stadium ishim të gjithë së bashku. Nuk kam fjalë ta përshkruaj”, tha ai.

LEXO EDHE:
Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale

“Kisha, nuk mund të them frikë, por e ndjeja shumë ndeshjen. Kam luajtur me kombëtaren në këtë stadium, por edhe me Romën ishte shumë bukur dhe nuk kam fjalë për këtë ndeshje”, u shpreh Kumbulla.

Lajmi kryesor:

Finalja e Tiranës vishet me ngjyrat e italianëve, Roma bën historinë në 'Air Albania', rrëmben trofeun e parë të Conference League ndaj holandezëve të Feyenoord! Ka festë në kryeqytet

E.K/Shqiptarja.com

TAG:
• conference league ne tirane
• conference league