Kumbulla ndal Milanin, goli i tij i jep Romës barazimin (GOLAT)

Mbrojtësi i Kombëtares Marash Kumbulla ndal ecurinë vetëm me fitore të Milanit duke shpëtuar ekipin e tij Roma nga humbja në “San Siro”. Ndeshja e fundit e javës së 5-të të Serisë A Milan-Roma dhuroi spektakël, emocione polemika por jo fitues pasi u mbyll në barazim 3-3.

Kuqezinjtë kaluan tre herë në avantazh por tre herë u barazuan nga verdhekuqtë. Ibrahimovic shënoi pas dy minutash lojë duke iu vjedhur Kumbullës pas shpine por në minutën e 14-të Roma barazoi me sulmuesin Edin Dzeko. Sapo filloi pjesa e dytë djemtë e Piolit shënuan sërish me Saelemaekers që tundi rrjetën në minutën e 47-të duke rikthyer kryesuesit e kampionatit në avantazh por miqtë sërish barazuan.

Këtë herë ishte Jordan Veretout që shndërroi në gol një penallti në minutën e 71-të. Ibra tregohet edhe njëherë fantastik duke realizuar dygolëshin personal nga pika e bardhë e penalltisë dhe u duk sikur Milani do merrte fitoren e pestë radhazi por Marash Kumbulla 6 minuta nga fundi shlyen gabimin e bërë tek goli i parë i pësuar dhe “ngrin” Milanin. Mbrojtësi shënon mjaft bukur nga zhvillimet e një goditje këndi dhe i prish festën Ibrës dhe Milanit. Pas 4 fitoreve Milani ndalet në barazim dhe kryeson Serinë A por nuk shkëputet dot. Ndërsa Kumbulla është njeriu i momentit tek Roma pasi shënoi golin e dytë brenda 5 ditësh./ Përgatiti Andi Kapxhiu.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Juventusi në garë për Mario Mitaj, Lokomotiva rrit çmimin e mbrojtësit të Kombëtares

Juventusi në garë për Mario Mitaj, Lokomotiva rrit çmimin e mbrojtësit të Kombëtares